LEVITIKAS 19:18 - Lai (Hakha) Common Language Bible 2006

¹⁸ Nangmah na phun hawi cungah phu na hlam lai lo, na lung chungin huatnak zong na pawi lai lo, sihmanhsehlaw na innpa cu nangmah naa dawt bantukin na dawt lai: keimah hi Bawipa cu ka si.

LEVITIKAS 19:18 ပူးပေါင်းရင်းမြစ်များ

GENESIS 4:23

Lamek nih khan a nupile cu a thawh hna i, “Ka nupi Adah le Zillah, ka bia ngai tuah u. Mipa pakhat cu, amah nih a ka tuk caah ka thah, Tlangval pakhat cu, amah nih a ka hliam caah ka thah.

2 SAMUEL 13:22

Sihmanhsehlaw Absalom nih Amnon sinah khan bia ṭha siseh, bia chia siseh, zeihmanh a chim lo, zeitintiah Amnon nih a farnu Tamar kha hramhram in a sual caah Absalom nih Amnon kha a huat.

2 SAMUEL 13:28

Cun Absalom nih khan a sinum hna cu nawl a pek hna i, “Amnon kha zu nih a lung a lawmhter tikah, i chingchiah u law, ‘Amnon kha tu u,’ kan ti hna tikah that u. Ṭih hlah u, keimah nih nawl kan pek hna a si lo mei? Nan ral ṭha u law nan lung ṭhawng ko u,” tiah a ti.

SALM 103:9

Mawhchiat chih lengmang kha a hmang lo i thinhung zungzal in a um lo.

EXODUS 20:16

“Nan minung hawi cungah tehte dinglo nan si lai lo.

PHUNGTHLÛKBIA 20:22

“Ṭhat lonak cu ṭhat lonak in ka rulh lai,” tiah va ti hlah, Bawipa kha va hngak law, amah nih an bawmh lai

LEVITIKAS 19:34

Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.

MATTHAI 19:16

Voi khat ah mipa pakhat cu Jesuh sinah khan a ra i, “Saya, zungzal nunnak co awkah thil ṭha zeidah ka tuah awk a si?” tiah a hal.

MATTHAI 19:19

na nu le na pa kha upat hna; na minung hawi kha nangmah bantukin va daw hna, ti hawi hna hi ta,” tiah a leh.

JOHAN 13:34

Nawlbia thar kan pek hna: pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a si.

LAMKALTU 16:28

Sihmanhsehlaw Paul cu fak piin a au i, “Nangmah le nangmah fahnak i pe hlah, kan dihlak in kan um ko,” tiah a ti.

ROM 12:17

Mi nih nan cungah ṭhat lonak an tuah ahcun ṭhat lonak in va lehrul hna hlah u. Mi vialte nih a ṭha tiah an ruahmi kha tuah i zuam u.

ROM 12:19

Phuhlam hmang hlah u, ka naule hna; Pathian thinhunnak tu nih khan cucu tuah deuh ko seh. Zeicahtiah Cathiang nih pei, “Phuhlam cu keimah rian a si, keimah nih ka lehrulh hna lai, tiah Bawipa nih a ti,” a ti kha.

ROM 13:4

Zeicahtiah amah cu Pathian sal, na ca ṭhatnak a tuahtu a si. Sihmanhsehlaw ṭhat lonak na tuah ahcun amah cu ṭih ko, zeicahtiah dantat khawhnak a ngeihmi cu a si taktakmi a si. Amah cu Pathian sal a si i ṭhat lonak a tuahtu cungah khan Pathian thinhunnak cu a phakter.

ROM 13:9

Nawlbia nih cun, “Va cungin pa i duh hlah, lai nawng hlah, fir hlah, mi thil na mit va thi hlah,” a ti. Hi vialte le hi hlei i a dang a um rihmi nawlbia hna cu, “Na innpa kha nangmah naa dawt bangin va daw,” timi nawlbia ah hin an i fun dih.

GALATI 5:14

Zeicahtiah Nawlbia cu a ningpi in hi nawlbia pakhat, “Na innpa cu nangmah bantukin na dawt lai,” timi ah hin aa fun dih.

GALATI 5:20

siasal biak tehna le dawih le eih tehna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen,

EFESA 4:31

Lungthli in i uamnak le thinhunnak le ingpuannak kha hlaw hna u. I hua ti hlah u, i vawlpam ti hlah u. Huatnak lungthin ngei ti hlah u.

DEUTERONOMI 32:25

Tlangval he ngaknu he, Hnuktlai lio he ṭuakpar he, Lengah vainam nih a thah hna lai i Inn chungah tuksapur thil a um lai.

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

KOLOSE 3:8

Sihmanhsehlaw atu cu thinhunnak tehna, ingchiat tehna, huatnak lungthin tehna, cu nan hlonh hrimhrim hna lai. Mi va nihsawhnak bia siseh, holh thurhnawm siseh, nan kaa chungin nan chuahter hrimhrim lai lo.

HEBRU 10:30

“Keimah nih phu cu ka hlam lai, keimah nih ka cham lai,” tiah a ti i, “Bawipa nih a mi cu bia a ceih hna lai,” ti zongah a ti fawntu kha ahodah a si ti cu kan hngalh.

JEIM 2:8

Cathiang chungah a ummi Pennak nawlbia kha nan zulh ahcun ahmaanmi thil nan tuah a si. Cu nawlbia cu, “Na innpa kha nangmah naa dawt bantukin na dawt lai,” ti a si.

1 PETER 2:1

Ṭhat lonak vialte kha hlaw cang hna u; ziar ngei ti hlah u, lih chim ti hlah u; hrawkhrol in um ti hlah u, nahchuahnak ngei ti hlah u, zawmhtaihnak bia hmang ti hlah u.

1JOHAN 4:21

Cucaah Khrih nih a kan fialmi cu hihi a si: Pathian a dawmi nih cun nan unau kha nan dawt hrimhrim hna lai.