LEVITIKAS 19:17 - Lai (Hakha) Common Language Bible 2006

¹⁷ “Na unau cu na lungchung in na hua lai lo, sihmanhsehlaw na innpa cu na chimhhrin lai, amah ruangah sualnak na ing sual lai.

LEVITIKAS 19:17 ပူးပေါင်းရင်းမြစ်များ

GENESIS 27:41

A pa nih Jakob kha thluachuahnak a pek caah cun Esau nih Jakob cu a huat i a lungchung in, “Ka pa cu va thi deng cang kaw, a zun ngaih kan lim cun Jakob cu ka thah lai,” tiah a ti.

2 SAMUEL 13:22

Sihmanhsehlaw Absalom nih Amnon sinah khan bia ṭha siseh, bia chia siseh, zeihmanh a chim lo, zeitintiah Amnon nih a farnu Tamar kha hramhram in a sual caah Absalom nih Amnon kha a huat.

NEHEMIAH 13:17

Khi tikah Judah ram tuavon pawl kha ka caak hna i, “Hi thil ṭhalo nan tuah i sabbath ni nan buar hi zeidah a si?

SALM 141:5

Miṭha nih cun dawtnak in ka si hna seh law dan ka tat ko hna seh, sihmanhsehlaw miṭhalo nih cun ka lu ah sathau ka thuh hna hlah seh, zeicahtiah cu bantukin ka cungah an tuah ahcun, thil ṭhalo an tuahmi i aa tel vemi ah an ka ser khawh sual ai hnga.

PHUNGTHLÛKBIA 9:8

Miruamkai cu nun chim hlah, an huat sual lai, mifim cu nun chim law an dawt lai.

LUKA 17:3

I ralring ko u. “Na unau nih a sual ahcun va mawhchiat, aa ngaihchih ahcun va ngaithiam.

ROM 1:32

Hi bantukin a nunning a simi cu thih awk a tlakmi a si, tiah Pathian nawlbia nih a timi kha an hngalh ko. Asinain hi bantuk thil cu anmah nih an tuah lengmang lawng si loin midang a tuah vemi zong kha an hnatlakpi hna.

1 KORIN 5:2

Zeitindah nan i porhlawt khawh ṭheo rih ee? Ngaihchiatnak in nan khah awk tu a si nain; cu bantuk thil a tuahmi cu nan bu chungin nan chuah awk a si.

GALATI 6:1

Ka u le ka nau hna, pakhatkhat nih sualnak nan tuah sual tikah, a thlarau deuh pawl nih khan, lam dingah nan chiah ṭhan awk a si; cun cu ti nan tuah tikah nemnak tein nan tuah lai. Cun nanmah zong tukforhnak cu nan in sual venak hnga lo nan i ralring lai.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

1TIMOTE 5:20

Sualnak a tuahmi kha zapi hmaiah chimhring hna law a dang nih khan an ṭih lai.

1TIMOTE 5:22

Bawipa rianṭuantu ding caah ahohmanh khulrang tuk in kutchuannak va pe hna hlah. Midang tuahmi sualnak ah i tel loin thiang tein um i zuam ko.

2TIMOTE 4:2

phung kha chim hna, a caan a rem zongah a rem lo zongah chim hna; al a herh ahcun al hna, chimhhrin a herh ahcun chimhring hna, a nawl in nawl a herh ahcun nawl hna law lungsau thinfual in cawnpiak hna.

TITAS 1:13

a chimmi cu a hmaanmi a si. Cucaah cun fak piin na chimhhrin hna lai. Cuticun a ngan a dammi zumhnak kha an ngei kho lai i

TITAS 2:15

Hihi cawnpiak hna law thazang na pek hna le na chimhhrin hna tikah na nawlngeihnak kha fak piin hmang. Ahohmanh i zohchukter hna hlah.

1JOHAN 2:11

Sihmanhsehlaw a unau a huami cu muihnak chungah a um i muihnak nih cun a mit a cawtter caah cuka chung i aa chawh ah khuazei ah ka kal ti awk hmanh a hngal lo.

1JOHAN 2:9

Ahohmanh ceunak chungah ka um a ti i a unau a hua ṭungmi cu, atu tiang hrimhrim hin, muihnak chungah a ummi a si ko.