LEVITIKAS 19:15 - Lai (Hakha) Common Language Bible 2006

¹⁵ “Biaceihnak ah dinlonak nan tuah lai lo; sifakmi kha na duhdanh hna lai lo, mingan zong kha na hmaizah hlei lai lo, sihmanhsehlaw dinnak in na innpa bia kha na ceih lai.

LEVITIKAS 19:15 ပူးပေါင်းရင်းမြစ်များ

JOB 13:8

Pathian cu a tuah ding kha nanmah nih maw nan tuahpiak lai i A bia cu nanmah nih maw nan chimrelpiak lai?

JOB 32:21

Duhdanhnak kha aho cung hmanh ah ka ngei lai lo i Pathian siseh, minung siseh, ahohmanh ka fak hna lai lo.

JOB 34:19

Bawi kha a duhdanh hna lo i mirum kha misifak hna nakin a upat hlei lomi siangpahrang cu, Nangmah nih sual na phawt ko maw? Zeicahtiah annih cu an dihlak in Pathian sermi an si,

SALM 82:2

“Ding loin biaceih hi ngol hrimhrim cang u, miṭhalo duhdanh kha ngol cang u.

EXODUS 18:21

Sihmanhsehlaw thil ti khomi kha na thim hna lai i mi zapi hruaitu ah na chiah hna lai: a thong bu hruaitu le a za bu hruaitu le sawm nga bu hruaitu le pahra bu hruaitu tiin na chiah hna lai. Annih cu Pathian a ṭihmi, bochan awk tlak a simi an si lai, nawhthuh pek khawh lomi an si lai.

PHUNGTHLÛKBIA 18:5

Miṭhalo sin i duhdanh ngeih cu a ṭha lo, miding mi biading coh lo zong a ṭha lo.

PHUNGTHLÛKBIA 24:23

Mah hihi mifim mi hna bia a dang an si rih: biaceih i duhdanh ngeih cu a ṭha lo,

PHUNGTHLÛKBIA 31:9

Annih cu an bia chimpiak hna law an caah a dingmi biaceihtu va si ko; sifakmi le retheimi kha dirkamh hna.

LEVITIKAS 19:35

“Tahnak ah mi nan hleng lai lo; a saulei tahnak ah siseh, a rih leiah siseh, a tam leiah siseh, nan lih lai lo.

JOHAN 7:24

Lenglei zoh lawngin biakhiak hlah ngat u, dingte tu in ta bia cu nan khiah,” tiah a ti hna.

LAMKALTU 23:3

Amah cu Paul nih a thawh i, “Si rang thuhmi vampang, nangmah cu Pathian nih an bengh lai. Zeitindah keimah cu Phung ningin ka bia ceih awkah khaka ah khan na ṭhut i Phung he aa ralchanh in, hei beng u, na ti fawn ṭung hna?” tiah a ti.

DEUTERONOMI 1:17

Biaceih tikah duhdanh nan ngei lai lo; mi hme siseh, mi ngan siseh, aa tluk in nan ngaihpiak hna lai; minung hmai kha nan ṭih lai lo, zeitintiah biakhiahnak cu Pathian ta a si; cun nan ca i a har tukmi bia cu ka sinah nan ratpi lai keimah nih ka ngaih lai,’ tiah nawl ka pek hna.

DEUTERONOMI 10:17

Zeitintiah Bawipa nan Pathian cu pathian hna Pathian le bawi hna Bawi, a lianngan i a ṭhawng i ṭih a nungmi Pathian, duhdanh a ngei lo i ziknawh a la lomi a si.

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

DEUTERONOMI 27:19

“ ‘Mipem le pangeilo le nuhmei nih an hmuh awk hnga a simi biading a merhtu cu chiat seh,’ tiah an thanh lai. Cun mi vialte nih, ‘Amen’ an ti lai.