LEVITIKAS 19:14 - Lai (Hakha) Common Language Bible 2006

¹⁴ Hnachet cu va vawlpam hlah, mitcaw hmaiah tlukrilhnak thil va chia hlah, sihmanhsehlaw na Pathian cu va ṭih ko: keimah hi Bawipa cu ka si.

LEVITIKAS 19:14 ပူးပေါင်းရင်းမြစ်များ

GENESIS 42:18

A ni thumnak ni ah Josef nih a thawh hna i, “Kei cu Pathian biami ka si caah hi ka chimmi nan tuah ahcun nan nunnak cu nan luat lai:

NEHEMIAH 5:15

Keimah hlan i a rak ummi uktu bawi hna nih cun mi zapi cungah khan thilrit an chuan i annih sin cun ngun shekel sawm li hleiah rawl le mitsur hang kha an lak hna. An sinum hna hmanh nih mi zapi cu an lalhnawh hna. Sihmanhsehlaw kei nih cun Pathian ka ṭih caah cu bantuk cun ka tuah lo.

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

LEVITIKAS 19:15

“Biaceihnak ah dinlonak nan tuah lai lo; sifakmi kha na duhdanh hna lai lo, mingan zong kha na hmaizah hlei lai lo, sihmanhsehlaw dinnak in na innpa bia kha na ceih lai.

LEVITIKAS 19:32

“Sam parmi hmaiah cun na dir lai i tar a simi hmai cu na upat lai, cun na Pathian cu na ṭih lai: keimah cu Bawipa ka si.

LEVITIKAS 25:17

Pakhat le pakhat nan i hleng lai lo, sihmanhsehlaw nan Pathian kha nan ṭih lai; zeitintiah keimah cu Bawipa nan Pathian ka si.

ROM 12:14

Nanmah an hremtu hna kha Pathian sinah thluachuah halpiak hna u; asi, thluachuahnak kha halpiak hna u, chiatserhnak si loin.

ROM 14:13

Cucaah pakhat le pakhat i soi lengmang kha ngol u sih. Nan unau tlukrilhternak le sualnak chung i tlakternak ding caah zeihmanh tuah lo ding tu kha i zuam u.

1 KORIN 10:32

Judah mi si hna seh, Jentail mi si hna seh, Pathian Khrihfabu si hna seh, ahohmanh harnak nan pek hna nakhnga lo, cuticun nan nuncanning cu siter ko u.

DEUTERONOMI 27:18

“ ‘Mitcaw kha a lam a palhter hrammi cu chiat seh,’ tiah an thanh lai. Cun mi vialte nih, ‘Amen’ an ti lai.

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.

1 PETER 2:17

Mi vialte kha upat hna u, zumhnak i nan unau a simi kha daw hna u, Pathian kha ṭih u law Siangpahrang kha hmaizah u.

BIAPHUAN 2:14

Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.