LEVITIKAS 19:13 - Lai (Hakha) Common Language Bible 2006

¹³ “Na innpa kha na serhsat lai lo i a ramh zong na ramh lai lo. Kuli ṭuanmi rianṭuan man cu zan khuadei a thaizing tiang na sinah i chiah hlah.

LEVITIKAS 19:13 ပူးပေါင်းရင်းမြစ်များ

JOB 17:5

Phungthluk bia hlun ah, mi pakhatkhat nih tangka ruangah a hawipa kha a rawi ahcun, A fale mit kha a caw lai, ti a si.

JOB 31:39

Tangka a ka coihtu kha lungsi loin ka tuah hna ahcun,

JOB 7:2

Thladem tang i dinh a duh ngaingaimi sal bantuk le A ṭuan man hmuh awkah a ngangnganmi hlanchom sinum bantuk a si.

EXODUS 20:15

“Nan fir lai lo.

EXODUS 22:13

Sa nih a seh a si ahcun a ruak kha tehte caah a chuahpi lai; sa sehmi cu a cham awk a si lai lo.

EXODUS 22:15

Asinain a ngeitu kha a um ve ko ahcun, a hlangtu nih khan a liam a herh lai lo. Man in hlanhmi a si ahcun a man kha hlan man nih cun a hluh cang.”

EXODUS 22:21

“Nannih zong kha Izipt ram ah khan ramdang mi nan rak si ve caah, ramdangmi kha nan serhsat hna lai lo i nan hrem fawn hna lai lo.

EXODUS 22:7

“Mi pakhatkhat nih a dang pakhat kha tangka siseh, thil man sung siseh, a kenter i cu pa inn cun mifir nih an fir ahcun, a firtu cu hmuh khawh a si ahcun a firtu nih cun a let in a liam lai.

PHUNGTHLÛKBIA 20:10

Cuai deu le rel deu hman hi Bawipa caah fihnung an si.

PHUNGTHLÛKBIA 22:22

Sifakmi cu sifak an si ruangah zeitikhmanh ah va ramh hna hlah, Retheimi zong zung chungah va hrial hlah.

PHUNGTHLÛKBIA 3:28

Nangmah sinah naa chiah ko nain, “Va kal law ra ṭhan te, thaizing ah kan pek lai,” tiah na hawi kha ti hna hlah.

JEREMIAH 22:13

Dinlonak in a inn a sa i Hlennak in a inn cungdot khaan hna kha a ser i Man loin a rammi kha rian a ṭuanter i An ṭuan man nihlawh a pe duh lomi cu A cungah ningzahnak tlung ko seh.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

EZEKIEL 18:7

Ahohmanh a hrem bal hna lo i leibatu nih biakamnak ca i thil an pekmi kha a khirh zungzal hna, zeitikhmanh ah mi a ramh bal lo. Rawl a ṭammi kha rawl a pek hna i hnipuan a ngei lomi kha hnipuan a pek hna.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

EZEKIEL 22:29

Zapi kha mipuar le mifir an si, vanchiami le sifakmi kha an serhsat hna i ramdangmi cungah ding loin khua an sa i an puar.

LEVITIKAS 25:14

Nan innpa sin i nan zuar ah siseh, nan innpa sin i nan cawk ah siseh, pakhat le pakhat nan i hleng lai lo.

LEVITIKAS 25:17

Pakhat le pakhat nan i hleng lai lo, sihmanhsehlaw nan Pathian kha nan ṭih lai; zeitintiah keimah cu Bawipa nan Pathian ka si.

LEVITIKAS 6:3

thiltlau kha a hmuh i cu kong ah lihchimnak le ding loin chiatsernak in siseh, Bawipa cungah a sual i phung a buar ahcun mah hi thil vialte minung nih an tuah tawnmi hna chungah hin

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

MATTHAI 20:8

“Zanlei a hung si tikah dum ngeitu nih cun a dum uktu kha a kawh i, ‘Rian ṭuantu kha au hna law an ṭuan man kha pe cio hna, hmanung bik i fialmi kha a hmasa bik ah pe hna law hmasa bik i fial mi kha hmanung bik ah pe hna,’ tiah a ti.

MARKA 10:19

Nawlbia kha na hngalh ko ṭung hna: ‘Lai va nawng hlah; nupi cung le va cungin midang cungah sual hlah, fir hlah, lih chim hlah, mi va hleng hna hlah, na nu le na pa va upat hna!’ ti pei an si kha,” tiah a ti.

LUKA 3:13

A thawh hna i, “Khawlh awk timi nak tam in va khawl hna hlah u,” tiah a ti hna.

1THESALON 4:6

Ahohmanh nih nan u nan nau kha an pawcawmnak rian ah hleng in deh hna hlah u, ningcang loin lemsoi hna hlah u; cu bantuk ṭhat lonak a tuahmi cu Pathian nih dan a tat hna lai tiah kan in chimh cang hna i fak piin ralrinnak kan in pek cang hna.

1TIMOTE 5:18

Cathiang nih, “Cawtum cu facang a cil lioah a hmur ṭem hlah u,” a ti i, “Rianṭuantu nih a ṭuan man hmuh awk a tlak,” a ti fawn.

JEIM 5:4

Nan lo chung i rian a ṭuanmi, an nihlawh nan pek hna lomi an aunak thawng kha a thang i nan rawlṭuantu hna an aunak thawng kha Pathian Lianngan Bik Bawi i a hna chung a phan cang.