LEVITIKAS 19:12 - Lai (Hakha) Common Language Bible 2006

¹² Ka min chalh in lih in chiat nan ser lai lo, mah cucu nan Pathian min thurhnawmhter a si; keimah cu Bawipa ka si.

LEVITIKAS 19:12 ပူးပေါင်းရင်းမြစ်များ

SALM 15:4

Pathian nih a hlawtmi kha zeirello in a um i Bawipa nawl a zulmi cu a upat i Zeitluk in a har hmanh ah a biakam ningin a tuah zungzal i

EXODUS 20:7

“Bawipa nan Pathian min cu ningcang loin hmang hlah u, ningcang loin ka min a hmangmi cu dan ka tat hna lai.

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

JEREMIAH 34:16

Asinain, nannih zong nih ka min cu nan thurter ṭhan cang. Nannih nih nan luatter cangmi sal hna kha nan dihlak in nan lak ṭhan hna i nu he pa he nan sal ah hramhram in nan ser ṭhan hna.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

JEREMIAH 5:2

Annih nih, “Bawipa a nun bangin,” an ti ko nain, Lih in chiat an ser.

JEREMIAH 7:9

Nannih nih nan fir, lai nan nawng, va cung in pa nan i duh i lih in tehte nan cang, Baal sinah raithawinak nan khangh, nan hngalh lomi pathian kha nan dawi hna.

LEVITIKAS 18:21

Molek sin i mei in chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si.

LEVITIKAS 20:3

Cu pa cu ka hmai ka chiathnawh lai i a mi hna lakin ka hlonh lai, a fa pakhat cu ka hmunthiang thurhnawmhter awk le ka min thiang thurhnawmh awkah Molek kha a pek caah, ka hlonh hna lai.

LEVITIKAS 24:11

Israel minu fapa nih cun Pathian Min cu a vawlhpamh i chiat a serh. Amah cu Moses sinah an ratpi. A nu min cu Shelomith, Dan phun chung mi Dibri fanu a si.

LEVITIKAS 6:3

thiltlau kha a hmuh i cu kong ah lihchimnak le ding loin chiatsernak in siseh, Bawipa cungah a sual i phung a buar ahcun mah hi thil vialte minung nih an tuah tawnmi hna chungah hin

ZEKHARIAH 5:3

“Mah hihi ram pumpi a cultu chiatserhnak a si; khattelei kam i ṭialmi hin mifir vialte kha hloh dih an si lai i khattelei kam i aa ṭialmi hin lih in chiat a sermi vialte kha hloh dih an si lai.

ZEKHARIAH 5:4

Ralkapbu Bawipa nih, ‘Ka thlah cang i mifir hna inn kip ah le ka min in lih in chiat a sermi vialte hna inn kip ah a lut lai, khi inn chungah a um lai i a thing he a lung he a hrawh dih hna lai,’ a ti,” tiah a ti.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

DEUTERONOMI 5:11

“ ‘Bawipa na Pathian min cu sawhsawh in va hmang hlah, zeitintiah a min a hmang sualmi cu Bawipa nih sual lo ah a ruat hna lai lo.

JEIM 5:12

Cun cu pinah biakamnak nan tuah tikah chiatsernak hmang hlah u; vancung cemchih in siseh, vawlei cemchih in siseh, zei thil paoh cemchih in siseh, chiatser hlah u. A si ti nan duh ahcun, a si, ti ko; a si lo, ti na duh ahcun, a si lo, ti ko; cu ti na tuah lo ahcun Pathian biaceihnak na ing sual lai.