LEVITIKAS 19:10 - Lai (Hakha) Common Language Bible 2006

¹⁰ Nan mitsur dum kha nan thianh hirhiar lai lo, nan mitsur dum chung i a tlami mitsur thei zong kha nan char hna lai lo; misifak le mipem caah nan nganhtak hna lai: keimah cu Bawipa nan Pathian cu ka si.

LEVITIKAS 19:10 ပူးပေါင်းရင်းမြစ်များ

ISAIAH 17:6

Tlawmte lawnglawng an tang lai i Israel cu a thei an lawh dih i a parpahlek ah pum hnih pum thum, a nge ah pum li pum nga lawng an nganhmi oliv kung bantuk a si lai. Bawipa Israel Pathian keimah nih hi bia cu ka chim,” a ti.

ISAIAH 24:13

Mah hihi vawlei cung miphun dihlak cung i a tlung dingmi thil cu a si. Zei he dah aa lawh lai ti ahcun, rawl ṭuan a dih tik i oliv thei vialte oliv nge in an ṭhilh dih hna hnu le mitsur ruang in mitsur thei vialte an lawh dih hna caan he khin aa lo lai.

JEREMIAH 49:9

Mitsur thei lotu kha nan sinah an rat tikah a mua cu an nganh ding a si, Cun zan ah mifir nih na thei tlaiter kha fir seh law A duhmi lawng kha a lak ko lai.

LEVITIKAS 11:44

Zeitintiah keimah cu Bawipa nan Pathian ka si; cu caah i thianter u law, thianghlim u, keimah ka thian caah. Vawlei ah a vah in a vakmi thil zeihmanh in i thurter hlah u.

LEVITIKAS 19:11

“Nan fir lai lo; hlennak in thil nan ti fawn lai lo, pakhat le pakhat lih nan i chim fawn lai lo.

LEVITIKAS 19:25

Sihmanhsehlaw a kum nganak ah cun an theitlai cu nan ei hna lai, nannih caah tam chin in an tlai nakhnga: keimah cu Bawipa nan Pathian ka si.

LEVITIKAS 19:9

“Nan lo rawl nan ṭuan tikah nan lo cu a pawngri tiang taktak in nan ṭuan lai lo, famua zong nan ṭuan hnuah nan sua lai lo.

LEVITIKAS 23:22

“Cun nan ram rawl nan ṭuan tikah nan lo cu a pawngri tiangin nan ṭuan lai lo, nan rawl ṭuan hnuah a mua zong nan sua lai lo; sifak le khual caah nan nganh hna lai: keimah cu Bawipa nan Pathian ka si,” tiah a ti.

LEVITIKAS 25:6

Cu ram sabbath nih cun rawl an pek hna lai, nanmah caah siseh, nan salnu nan salpa hna caah siseh, man pekmi sinum siseh, nannih sin i a ummi mipem caah siseh;

OBADIAH 1:5

Mifir nih si hna seh, philhmangmi nih si hna seh, zan ah an in fuh tikah, Annih nih cun an duhmi lawng kha an lak ko; Cun mitsur thei cu a lomi nih an lawh tikah tlawmpal cu an nganh ta zungzal.

MIKAH 7:1

Aize! Theikung cungah thei zeihmanh a hmu ti lomi le Mitsur ruang ah a thei zeihmanh a hmu ti lomi rawlṭammi bantuk ka si ai cang. Mitsur thei vialte le theipi a thaw ngaingaimi cu an lawh dih ai cang hna.

DEUTERONOMI 24:19

“Nan lo chung i rawl nan ṭuan tikah, lo chungah cun faphal pakhat nan philh ahcun lak ṭhan awkah va kal hlah u; mipem le pangeilo le nuhmei caah a si lai, nan kut rianṭuanmi kip ah Bawipa nan Pathian nih thluachuahnak an pek hna lai.

DEUTERONOMI 24:20

Nan oliv kung nan huai tik hna ah, a nge kha nan tu ṭhan hna lai lo; mipem le pangeilo le nuhmei caah a si lai.

DEUTERONOMI 24:21

Nan mitsur dum chung i mitsur tlai kha nan lawh tikah, a mua nan sua ṭhan lai lo; mipem le pangeilo le nuhmei caah a si lai.

BIACEIHTU 8:2

Cun anih nih annih cu, “Nanmah he tahchunh awk tlak in zeidah ka tuah? Efraim mitsur muasuat cu Abiezer mitsur lawh silingpi nakin a ṭha deuh lo maw?

RUTH 2:2

Cun Moab minu Ruth nih cun Naomi cu a thawh i, “Lo ah va kal ning law a rak ka zaangfahtu paoh sinah famua ka va sua lai,” tiah a ti. Cun anih nih, “Va kal ko, ka fanu,” tiah a ti.