LEVITIKAS 18:5 - Lai (Hakha) Common Language Bible 2006

⁵ Cucaah nannih nih ka nawlbia le ka phunglam kha nan ulh hna lai, cu tuahnak thawngin mi nih an nung lai: keimah hi Bawipa cu ka si.

LEVITIKAS 18:5 ပူးပေါင်းရင်းမြစ်များ

NEHEMIAH 9:29

Cun na phungbia leiah khan merter awkah ralrinnak na pek hna. Sihmanhsehlaw porhlawt ngaiin thil an tuah i na nawlbia kha an ngai lo; na phunglam zulhnak thawngin nunnak a simi na phunglam tu kha an buar hna i an liang kha an i ṭhawnter i an hngawng kha an i rengh i na nawl ngaih kha an duh lo.

EXODUS 6:2

Pathian nih Moses cu a chawnh i, “Keimah cu Bawipa ka si.

EXODUS 6:29

“Keimah cu Bawipa ka si; kan chimhmi vialte kha Izipt siangpahrang Faro cu va chim,” a ti. Sihmanhsehlaw Moses nih,

EXODUS 6:6

Cucaah cun Israel mi cu na va thawh hna lai i, ‘Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

EZEKIEL 18:9

Dinlonak kha a hrial i pakhat le pakhat karlak ah aa buaktlak tein a um. Ka nawlbia kha a zulh hna i ka phungbia kha fel tein a tuah hna. Cu bantuk mi cu miding an si: amah cu a nung lai, tiah Bawipa Pathian nih a ti.

EZEKIEL 20:11

Khika ah annih cu ka nawlbia kha ka pek hna i ka phunglam kha ka cawnpiak hna, annih nih zul hna seh law nung hna seh tiah.

EZEKIEL 20:13

Sihmanhsehlaw Israel mi nih cun ramlak ah khan an ka doh; ka nawlbia kha an zul duh hna lo, ka phunglam kha an hlawt hna, zul hna seh law an nunnak ding a si nain; cun ka sabbath kha an buar hna. Cucaah ramlak ah khan ka thinhunnak cu ka bunghhnawh ko hna lai i ka hrawh ko hna lai dahra maw tiah ka ruah ṭhan.

EZEKIEL 20:21

“Sihmanhsehlaw an fapale hna zong nih cun an ka doh ṭhiamṭhiam. Ka nawlbia kha an zul hna lo i ka phunglam kha an tuah hna lo, pakhatkhat nih rak tuah hna seh law cu, cu thawng cun nunnak an hei hmuh ṭung hnga, ka sabbath kha an buar fawn hna. Cu tikah ramlak ah cun ka thinhun ka chuahhnawh hna lai i ka thinlinh ka hlinh ko hna lai dahra maw, tiah ka ruah ṭhan.

LEVITIKAS 18:6

“Nannih lak i ahohmanh nih mah he aa naihmi rualchan cu an pumlawnnak hlim awkah nan fuk hna lai lo. Keimah hi Bawipa cu ka si.

MALAKHI 3:6

Keimah cu i thleng loin Bawipa ka si caah nannih Jakob tefa zong nan rawk dih lo.

MATTHAI 19:17

Jesuh nih cun, “Zeicahdah ‘zei thil ṭha dah,’ timi cu na ka hal? A ṭhami cu pakhat lawng pei a um ko cu. Nunnak chung i luh na duh ahcun nawlbia kha tah na zulh ko hna,” tiah a leh.

LUKA 10:28

Jesuh nih cun, “Na bialehnak ahmaan; cucu va tuah law na nung lai,” tiah a ti.

ROM 10:5

Moses nih Nawlbia zulhnak thawngin Pathian he remnak hmuhnak kong ah a chimmi cu hitihin a si: “Nawlbia nih tuah u a timi a tuahmi paoh cu, cu an tuahnak thawng cun an nung lai,” a ti.

ROM 7:10

Cun nunnak chuahpitu ding i ruahmi nawlbia cu ka caah thihnak chuahpitu lehlam a si.

GALATI 3:12

Sihmanhsehlaw Nawlbia le zumhnak cu an kalning aa dang ko; Cathiang nih, “Nawlbia nih tuah awk a si a timi paohpaoh a tuah dihmi cu, cu a tuahnak thawng cun a nung lai,” a ti ve taktak.

DEUTERONOMI 30:20

Bawipa nan Pathian kha daw u law, a aw kha ngai u law, amah leiah i bek tuah u, zeitintiah mah cucu nannih caah nunnak le nunsau a si, Bawipa nih nan pupa Abraham, Isak le Jakob sinah pek awkin chiat a sermi ram chungah khan nan um nakhnga, nunnak kha i thim deuh u,” tiah a ti.

DEUTERONOMI 30:6

Bawipa nan Pathian cu nan lung dihlak le nan ruahnak dihlak in nan dawt i nan nun nakhnga, Bawipa nan Pathian nih nanmah lung le nan tefa hna lung cuarpar cu an tan hna lai.

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.