LEVITIKAS 18:30 - Lai (Hakha) Common Language Bible 2006

³⁰ Cucaah fihnung a simi phung nan hlanah an rak tuahmi hna hi, pakhat hmanh nan tuah ve nakhnga lo le, mah hna hin nan i thurhhnawmh nakhnga lo, ka nawlbia hi i tlaih tuah u: keimah cu Bawipa nan Pathian cu ka si,” tiah a ti.

LEVITIKAS 18:30 ပူးပေါင်းရင်းမြစ်များ

1 SIANGPAHRANG 14:24

cu ram chungah biaknak lei pa hlawhhlang zong an um. Israel mi hna hmai in Bawipa nih a ṭhawlmi miphun hna nih an tuahmi fihnung vialte kha an tuah ve.

1 SIANGPAHRANG 21:26

Israel mi nih ram kha an hun nam tikah an hmai in Bawipa nih ram chungin a dawimi hna Amor mi nih an biakmi siasal biaknak thil fihnung bik kha Ahab nih a tuah).

EZRA 9:1

Hi thil hi tuah dih an si tikah, bawi hna nih cun an ka fuh i, “Israel mi hna le tlangbawi hna le Levi mi hna nih hin hi ram miphun Kanaan mi hna le Hit mi hna le Periz mi hna le Jebus mi hna le Ammon mi hna le Moab mi hna le Izipt mi hna le Amor mi hna le an thil fihnung hna sin khan an i thleidang lo.

LEVITIKAS 18:29

Zeitintiah hi thil fihnung hna a zeipaoh hi a tuahtu paoh cu, cu a tuahtu hna paoh cu, an mi sinin hlonh an si lai.

LEVITIKAS 19:1

Cun Bawipa nih Moses cu a chawnh i,

LEVITIKAS 20:23

Nan hmaiah ka dawimi miphun i an phung kha nan zul hna lai lo; zeitintiah mah cu thil hna cu an tuah caah ka huat hna.

LEVITIKAS 22:9

Biakinn cu an thurhhnawmh ruangah sual an huah i a chungah an thih sual nakhnga lo, ka nawlbia cu an ulh lai, keimah cu Bawipa ka si, keimah nih ka thianter hna.

DEUTERONOMI 11:1

“Cucaah Bawipa na Pathian cu na dawt lai i a bia le a nawlbia hna le a phunglam hna le a phungbia hna cu na zulh zungzal lai.

DEUTERONOMI 12:30

nan hmaika in hrawh an sinak ah khan nan i foih nakhnga lo, i ralring tuah u; cun, ‘Hi miphun hna nih hin zeitindah an pathian kha an biak hna? Kei zong nih an tuah bantukin ka tuah ve lai,’ tiin an pathian hna kong zong kha hlat len hlah u.

DEUTERONOMI 12:31

Cu bantuk cun Bawipa nan Pathian cungah nan tuah lai lo; zeitintiah Bawipa nih a huatmi thil fihnung vialte cu an pathian hna cungah khan an tuah; zeitintiah an fapale hna le an fanule hna hmanh kha an pathian hna biaknak caah mei chungah an khangh hna.

BIACEIHTU 20:6

Cun ka nuchun cu ka lak i ka can i Israel comi ram chung dihlak ah khan ka kuat; zeitintiah Israel chungah fihnung le hawrnak kha an tuah.