LEVITIKAS 18:29 - Lai (Hakha) Common Language Bible 2006

²⁹ Zeitintiah hi thil fihnung hna a zeipaoh hi a tuahtu paoh cu, cu a tuahtu hna paoh cu, an mi sinin hlonh an si lai.

LEVITIKAS 18:29 ပူးပေါင်းရင်းမြစ်များ

EXODUS 12:15

“ ‘Ni sarih chung thilnu phulh lo changreu kha nan ei lai. A hmasa bik ni ah, nan inn chung khan thilnu kha nan thianh dih hna lai, a ni hmasa bik ni in a ni sarihnak ni tiang thilnu phulhmi changreu a eimi cu Israel mi chung khan thlei an si lai.

EXODUS 30:33

Hi bantuk chiti a sermi siseh, tlangbawi a si lomi thuhnak ca i hi chiti a hmangmi siseh, cu bantuk mi cu a phunhawi sinin thlei an si lai,’ tiah na chimh hna lai,” a ti.

LEVITIKAS 17:10

“Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

LEVITIKAS 18:28

nannih hlan i a rak ummi miphun a luak hna bantuk khan nannih cu nan thurhhnawmh tikah an luak ve sual hna lai.

LEVITIKAS 18:30

Cucaah fihnung a simi phung nan hlanah an rak tuahmi hna hi, pakhat hmanh nan tuah ve nakhnga lo le, mah hna hin nan i thurhhnawmh nakhnga lo, ka nawlbia hi i tlaih tuah u: keimah cu Bawipa nan Pathian cu ka si,” tiah a ti.

LEVITIKAS 20:6

“Mi pakhatkhat nih khuavang le camhthiam kha a fuhpanh hna i hlawh a hlanhnawh hna ahcun, cu mi cu ka hmai ka chiathnawh lai i a mi hna lak in ka hlonh lai.

LEVITIKAS 7:20

sihmanhsehlaw thian lonak a cung i a um lioah Bawipa daihnak thawinak pekchanhmi sa a eimi cu, cu mi cu a miphun sinin hlawt a si lai.

LEVITIKAS 7:21

Cun ahohmanh nih thil thianglo, minung thian lonak siseh, saram thianglo siseh, a thiang lomi thil fihnung zeipaoh siseh, a tawngh i Bawipa daihnak thawinak pekchanhmi sa a ei ahcun cu mi cu a miphun sinin hlawt a si lai.”

MALAKHI 2:12

Hi thil a tuahmi hna paoh cu, umhmun khuar in khua a sami an si ah, a vak a vai lengmangmi an si ah, Ralkapbu Bawipa sinah pekchanhnak kha rak pu hna hmanh seh law, Bawipa nih Jakob umnak hmun in a ṭhawl hna lai.