LEVITIKAS 18:25 - Lai (Hakha) Common Language Bible 2006

²⁵ ram cu a thurhnawm cang i cu caah a ṭhat lonak kha dan ka tat i ram nih cun a chung i a ummi kha a luak hna.

LEVITIKAS 18:25 ပူးပေါင်းရင်းမြစ်များ

1 SIANGPAHRANG 21:26

Israel mi nih ram kha an hun nam tikah an hmai in Bawipa nih ram chungin a dawimi hna Amor mi nih an biakmi siasal biaknak thil fihnung bik kha Ahab nih a tuah).

EZRA 9:11

na sal profet hna sinin na kan pek i, ‘Va co awkah nan va luhhnawh laimi ram cu, cu ram i a ummi hna thian lonak thawngin a thurhnawm i khattelei kam in khattelei kam tiang an fihnunnak le an thian lonak in a khatmi ram a si.

SALM 106:38

a sual lomi an fanule le an fapale hna cu an thah hna i Kanaan mi siasal hna sinah khan raithawinak ah an pek hna; hi ti an thah hnanak nih hin vawlei kha a thurter.

SALM 89:32

an sualnak ruangah khan dan ka tat hna lai i palhnak an tuahmi ruangah khan fungfek in ka tuk hna lai.

ISAIAH 24:5

Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

ISAIAH 26:21

Vawleicung mi kha an sual ruang i dantat awkah Bawipa cu a rung ṭum lai. Vawlei cungah a thli tein lainawnnak an tuahmi kha a puang dih lai i an thahmi hna kha vawlei nih a thup ti hna lai lo.

JEREMIAH 14:10

Bawipa nih hi mi hna kong ah hi bangin a chim: Annih hi ka lam in tlau a duhmi an si i an duhnak paoh ah an vak. Cucaah an cungah lawmhnak a ngei ti lo; an ṭhat lonak kha a philh lo i an sualnak kha dan a tat hna.

JEREMIAH 16:18

Annih nih ka ram cu fih a nungmi an siasal hna ruak in an khahter i ka ro cu an thil fihnung in an khahter caah an sualnak le an ṭhat lonak cu a let hnih in ka chamter hna lai,” tiah Bawipa nih a ti.

JEREMIAH 2:7

Keimah nih thil tampi a chuahnak ram ah, A theitlai hna le a thil ṭha hna kha ei awkah kan luhpi hna. Sihmanhsehlaw nan rung luh tikah ka ram kha nan thurhhnawmh i Ka ro kha fihnung ah nan ser.

JEREMIAH 23:2

Cucaah ka mi a zohkhenhtu tuukhal hna kong ah Bawipa, Israel Pathian bia cu hi bangin a si: “Nannih nih ka tuurun cu nan ṭhek hna i nan dawi hna. Nan zohkhenh hna lo, sihmanhsehlaw ṭhat lonak nan tuahmi ruangah nanmah kha dantat awkah keimah nih nanmah cu kan zoh ko hna, tiah Bawipa nih a ti.

JEREMIAH 5:29

Hi thil hna ruangah hin dantat loin maw ka um hna hnga? Miphun hi bantuk cungah hin phuhlam loin maw ka um hnga? tiah Bawipa nih a ti.

JEREMIAH 5:9

Hi thil hna ruangah hin, dantat loin maw ka um hna hnga? tiah Bawipa nih a ti; Cun hi bantuk miphun cungah hin phuhlam loin maw ka um hnga?

JEREMIAH 9:9

Hi thil hna ruangah hin dantat loin ka um hnga maw? Hi bantuk miphun cungah hin phuhlam loin maw ka um hnga, tiah Bawipa nih a ti.

HOSEA 2:13

Baal sin i raithawinak a khangh ni, a ni thiang hna, Hnatonh aa tonh i ṭhi aa oih i a duhtu hna a dawi hna i keimah a ka philh ni hna ruangah khan dan ka tat lai, tiah Bawipa hrimhrim nih a ti.

HOSEA 8:13

Annih nih raithawinak tuah le sa ei kha an duh ngaingai, Sihmanhsehlaw Bawipa keimah cu an cungah ka lung a tling lo. An sualnak kha ka philh lai lo i dan ka tat hna lai; Izipt ram ah ka kalter ṭhan hna lai, asilole, Assiria ram ah rawl thianglo kha an ei lai.

HOSEA 9:9

Annih nih an tuahmi ah khan an sual tuk hringhran ko, Gibeah i a rak si bantuk te kha a si ko. Pathian nih an sualnak kha a philh lai lo i dan a tat hna lai.

LEVITIKAS 18:26

Sihmanhsehlaw nannih nih cun ka nawlbia hna le ka phunglam hna kha nan zulh hna lai i hi fihnung a simi hna hi pakhat hmanh nan tuah hna lai lo, nanmah ram mi nih siseh, khual nan sin i a pemmi nih siseh nan tuah lai lo.

LEVITIKAS 18:28

nannih hlan i a rak ummi miphun a luak hna bantuk khan nannih cu nan thurhhnawmh tikah an luak ve sual hna lai.

ROM 8:22

Atu caan tiangah hin cun sermi thil vialte cu nau nganfah bantukin an hrum an ai.

DEUTERONOMI 18:12

Zeicahtiah hi thil a tuahmi hna cu Bawipa caah fihnung an si i, hi fihnung tuahnak ruangah hin Bawipa nan Pathian nih nan hmai in a dawi dih hna lai.

DEUTERONOMI 21:23

a ruak cu thingkung cungah cun zan khuadei in a um lai lo, sihmanhsehlaw cu ni lila ah cun nan phum lai, zeitintiah thlaimi cu Pathian chiatserhmi a si; ro caah Bawipa nan Pathian nih an pekmi hna nan ram cu nan thurhhnawmh lai lo.

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.