LEVITIKAS 18:24 - Lai (Hakha) Common Language Bible 2006

²⁴ “Mah thil hna chung hin a zeihmanh hin i thurhnawmhter hlah u, zeitintiah nan hmai i ka hlonh laimi miphun hna nih hin mah thil hna hin an i thurter cang i

LEVITIKAS 18:24 ပူးပေါင်းရင်းမြစ်များ

GENESIS 15:16

Na tefa hna cu chan li hnuah an ra kir ṭhan lai, zeicahtiah Amor mi hna cu dantat awk tlak hrimhrim in an sual tik lawngah ka ṭhawl hna lai,” a ti.

1 SIANGPAHRANG 9:7

khi tikah Israel mi cu ram ka rak pekmi hna chung khan ka hloh hna lai i ka min ca i ka thiantermi inn hi ka mit hmuh phak lo ah ka hlonh lai; cun Israel cu phungthluk bia le nihchuak capo bia ah mi vialte lakah a cang lai.

2 CHANRELNAK 33:2

Bawipa nih Israel mi hna hmai in a dawimi hna miphun hna phunglam fihnungmi ning khan Bawipa mithmuh ah ṭhat lonak a tuah.

EZRA 9:1

Hi thil hi tuah dih an si tikah, bawi hna nih cun an ka fuh i, “Israel mi hna le tlangbawi hna le Levi mi hna nih hin hi ram miphun Kanaan mi hna le Hit mi hna le Periz mi hna le Jebus mi hna le Ammon mi hna le Moab mi hna le Izipt mi hna le Amor mi hna le an thil fihnung hna sin khan an i thleidang lo.

SALM 106:39

An thil tuahmi nih hin anmah cu a thurhnawmhter hna i Pathian sinah khan zumhawktlak in khua an sa lo.

JEREMIAH 44:4

Ka sal profet vialte hna kha hi ralrinnak bia he hin nannih sinah ka rak thlah lengmang hna i, ‘Ka huatmi thil fihnung hi tuah sawh hlah u,’ tiah ka ti lengmang.

LEVITIKAS 18:3

Nannih nan rak umnak Izipt ram i an tuah bantuk khan nan tuah lai lo i kan kalpi hna lainak ram Kanaan ram i an tuah bantuk zongin nan tuah lai lo. Annih an nawlbia kha nan zul lai lo.

LEVITIKAS 18:30

Cucaah fihnung a simi phung nan hlanah an rak tuahmi hna hi, pakhat hmanh nan tuah ve nakhnga lo le, mah hna hin nan i thurhhnawmh nakhnga lo, ka nawlbia hi i tlaih tuah u: keimah cu Bawipa nan Pathian cu ka si,” tiah a ti.

NAMBAR 35:34

Nan umnak ram, ka umnak hi nan thurhnawmter lai lo; zeitintiah Bawipa keimah cu Israel mi lakah ka um,” tiah a ti.

1 KORIN 3:17

Cucaah ahohmanh nih Pathian biakinn cu a hrawh ahcun, amah cu Pathian nih a hrawh ve lai. Zeicahtiah Pathian biakinn cu a thiangmi a si i nanmah hrimhrim cu biakinn cu nan si.

DEUTERONOMI 12:31

Cu bantuk cun Bawipa nan Pathian cungah nan tuah lai lo; zeitintiah Bawipa nih a huatmi thil fihnung vialte cu an pathian hna cungah khan an tuah; zeitintiah an fapale hna le an fanule hna hmanh kha an pathian hna biaknak caah mei chungah an khangh hna.

DEUTERONOMI 18:12

Zeicahtiah hi thil a tuahmi hna cu Bawipa caah fihnung an si i, hi fihnung tuahnak ruangah hin Bawipa nan Pathian nih nan hmai in a dawi dih hna lai.

DEUTERONOMI 9:4

“Bawipa na Pathian nih na hmaiah annih cu a dawi hna hnuah, ‘Bawipa nih hi ram co awkah a ka luhpi hi, keimah dinnak thawngin pei a si,’ tiah na lung chungin va ti hlah; Bawipa nih na hmai in annih kha a dawi hna cu hi miphun hna ṭhat lonak ruangah a si deuh.

DEUTERONOMI 9:5

Na dinnak le na lung dinnak thawngin annih ram kha co awkah na luh cu a si lai lo; sihmanhsehlaw Bawipa na Pathian nih annih kha na hmai in a dawi hna lai cu hi miphun hna an ṭhat lonak ruangah le, Bawipa nih na pupa hna Abraham, Isak, le Jakob sinah chiat a sermi bia cu fehnak caah a si lai.

BIACEIHTU 20:10

Israel miphun vialte chungin minung za khat ah pahra, thong khat ah za khat, sang khat ah thong khat in kan lak hna lai i mi ca i rawl pechantu an si lai, zeitintiah an rat tikah Benjamin ta a simi Gibeah cu Israel chung i hawrnak sualnak a tuahmi vialte caah khan teirul an cham lai,” tiah an ti.

BIACEIHTU 20:5

Cun Gibeah mi hna nih cun an ka chuahhnawh i zan ah ka riahnak inn cu an kulh. Keimah kha thah an ka timh i ka nuchun kha an sual i a thi.

BIACEIHTU 20:6

Cun ka nuchun cu ka lak i ka can i Israel comi ram chung dihlak ah khan ka kuat; zeitintiah Israel chungah fihnung le hawrnak kha an tuah.