LEVITIKAS 18:21 - Lai (Hakha) Common Language Bible 2006

²¹ Molek sin i mei in chanh awkah na fale chungin ahohmanh na pe lai lo; cu bantuk tuahnak in na Pathian min thurter hlah; keimah hi Bawipa cu ka si.

LEVITIKAS 18:21 ပူးပေါင်းရင်းမြစ်များ

1 SIANGPAHRANG 11:33

amah nih a ka hlawt i Sidon mi khuazingnu Ashtoreth le Moab mi pathian Khemosh le Ammon mi pathian Milkom kha a biak hna i ka lam kha a zul hna lo i a pa David bantukin ka mithmuh ah a dikmi a tuah lo i ka nawlbia le ka phunglam kha a zulh hna lo caah, phun hra hi nangmah kan pek lai.

1 SIANGPAHRANG 11:7

Cun Solomon nih Jerusalem nichuahlei tlang ah khan Moab mi khuazing fihnung Khemosh le Ammon mi pathian fihnung Molek caah khan khuahrum bo a ser.

2 SIANGPAHRANG 16:3

sihmanhsehlaw Israel siangpahrang hna lam kha a zul ve. Israel mi hna hmai in Bawipa nih a rak dawimi hna miphun nih thil fihnung an rak tuah bantuk khan, amah nih cun a fapa hmanh kha raithawi-nak caah a khangh.

2 SIANGPAHRANG 17:31

Avva mi nih Nibhaz le Tartak an ser; cun Sefarvaim mi nih Sefarvaim pathian hna Adrammelek le Anammelek biaknak ah an fale kha mei ah an khangh hna.

2 SIANGPAHRANG 21:6

Cun thawinak caah a fapa kha mei in a khangh i camh le litin kha a hman hna i thitlawn thiam le hnam kha a fuhpanh hna. Bawipa mithmuh ah ṭhat lonak tampi a tuah i a thin a hunter.

2 SIANGPAHRANG 23:10

Cun Hinnom fapa hna horkuang i a ummi Tofeth kha, khika ah ahohmanh nih an fapa si hna seh an fanu si hna seh, Molek sin i thawinak ah an pekchanh hna nakhnga lo, a thurhnawmhter.

2 CHANRELNAK 28:3

Hinnom fapa nelrawn ah khan zihmui a khangh i Bawipa nih Israel mi hna hmai in a dawimi miphun hna nih fihnung phunglam an tuahmi hna ning khan a fapale hna cu raithawinak ah a khangh hna.

JEREMIAH 19:5

Baal caah khan hmunthiang an ser hna i cuka ah cun an fapale hna kha baal ca i khangh thawinak ah an khangh hna. Mah cucu keimah nih ka pekmi hna nawlbia a si lo; a chim zong ka chim bal lo, ka lunglai zongah a chuak bal lo.

JEREMIAH 32:35

Benhinnom Nelrawn ah Baal caah hmunthiang an ser hna i khika ah Molek sinah an fanu hna le an fapa hna kha an pek hna. Hi thil fihnung tuah awk hi le sualnak chungah Judah luhpi hi keimah sinin a chuakmi nawlbia a si lo i ka lunglai ah a chuak balmi zong a si lo.

JEREMIAH 7:31

Benhinnom nelrawn ah Tofeth biaknak hmunthiang kha an ser i khika ah an fapa hna le an fanu hna kha an khangh hna; mah cucu keimah pekmi nawlbia a si lo, ka lunglai chuak balmi zong a si lo.

EZEKIEL 20:26

Anmah le anmah kha siasal sin i laksawng an pekchanhnak thawngin ka thurhhnawmhter hna; an tuksa a purh khawh hna nakhnga, an siasal hna sinah khan an fapa upa bik hna kha ka pekter ko hna. Mah hihi ka tuahnak chan cu Bawipa ka si kha an hngalh nakhnga caah a si.

EZEKIEL 20:31

Nannih nih nan laksawng nan pekchanh hna le nan fapale hna cu raithawinak caah mei in nan khangh lengmang hna caah hin nan siasal hna sinah hin nihin ni tiangin nan i thurhhnawmh lengmang ko. Zeitindah nannih nih cun ka ruahnak cu nan ka hal khawh lai, maw Israel mi hna? Nan ka hal kho lai lo, tiah ka nun bangin ka chim,’ tiah Bawipa Pathian nih a ti.

EZEKIEL 23:37

Annih nih va cung in pa an i duh i an kut chungah thisen kha a um. Annih nih an siasal sinah khan va cung pa duhnak an tuah i an ka hrinpiakmi ka fale hna kha an siasal hna cu an rawl caah an pekchanh hna.

LEVITIKAS 19:12

Ka min chalh in lih in chiat nan ser lai lo, mah cucu nan Pathian min thurhnawmhter a si; keimah cu Bawipa ka si.

LEVITIKAS 21:6

An Pathian caah an thianghlim lai i an Pathian min cu an thurhhnawmhter lai lo, annih nih mei in thawinak hna Bawipa sinah an pekchanhmi an Pathian changreu cu an pekchanh caah an thianghlim lai.

LEVITIKAS 22:2

“Aaron le a fapale hna kha, keimah sinah Israel mi hna nih an ka pekmi thil thiang cu hrial hna seh, ka min thiang cu an thurhhnawmh nakhnga lo, tiah chim hna; keimah cu Bawipa ka si.

LEVITIKAS 22:32

Nannih nih ka min thiang kha nan thurhhnawmh lai lo, sihmanhsehlaw Israel mi hna lakah keimah cu thianter ka si lai; keimah cu nannih an thiantertu hna,

LEVITIKAS 24:15

Cun Israel mi hna cu, a Pathian chiat a serhtu paoh nih cun amah a sualnak kha a in lai.

AMOS 2:7

Annih nih sifakmi kha an lu vawlei ah an lamh chih hna i Mi nauta pawl kha lam thlang ah an en hna. Pa le fa nih nu pakhat kha an pahnih in an fuh i Cuticun ka min kha an thurhhnawmhter.

AMOS 5:26

Pe hlah, nan rak ka pe bal lo, sihmanhsehlaw atu cu nan caah nan i sermi nan siangpahrang Sakkuth le nan siasal Kai-uan, nan arfi pathian hna cu nan i phorh hna lai i,

MIKAH 6:7

Bawipa cu tuukawng a thongthong le chiti a tiva in a luangmi kha pe ning law, cucu maw a duhmi cu a si hnga? Ka tuah sualmi tlanhnak caah ka fapa upa bik cu maw ka pekchanh lai? Ka sualnak caah khan ka fale cu maw amah cu ka pekchanh hna lai?

MALAKHI 1:12

Sihmanhsehlaw nannih nih cun Bawipa cabuai cu thurhhnawmh khawh a si ko, kanmah i zei i kan rel lomi rawl cu a cungah hun khawh a si ko, ti i nan ruahnak thawng hin ka min cu nan thurhhnawmh.

LAMKALTU 7:43

Nannih nih nan i phorhmi thlam cu Molok pathian thlam kha a si i Nan i kalpimi milem cu nan pathian Refan arfi siasal kha a si; Annih cu nanmah nih biak awk caah nan ser chommi siasal an si. Cucaah nannih cu Babilon pinah kan kalter hna lai,’ tiin aa ṭial.

ROM 1:23

thih a thiam lomi Pathian tu kha bia loin thih a thiammi minung le va le saram le a lawn in a lawnmi thilnung he aa loin sermi milem tu kha an biak hna.

ROM 2:24

Cathiang nih, “Nanmah Judah mi ruangah Jentail mi nih Pathian kha an thangchiat,” a ti.

DEUTERONOMI 12:31

Cu bantuk cun Bawipa nan Pathian cungah nan tuah lai lo; zeitintiah Bawipa nih a huatmi thil fihnung vialte cu an pathian hna cungah khan an tuah; zeitintiah an fapale hna le an fanule hna hmanh kha an pathian hna biaknak caah mei chungah an khangh hna.

DEUTERONOMI 18:10

Nannih lakah ahohmanh pekchanhnak caah a fapa siseh a fanu siseh a khaangmi nan um lai lo, litinthiam, bong zummi, mang ihthiam, eihthiam,