LEVITIKAS 17:15 - Lai (Hakha) Common Language Bible 2006

¹⁵ Cun amah thih in a thimi siseh, sa nih a sehmi siseh, a eimi paoh cu anmah rammi a si ah khual a si ah, a thilpuan kha a suk hna lai i ti in aa kholh lai i zanlei tiang thianglo a si lai; cu hnuah cun a thiang lai.

LEVITIKAS 17:15 ပူးပေါင်းရင်းမြစ်များ

EXODUS 22:30

Cun nan caw fater hna le nan tuu fater hna zong kha nan ka pek lai; fater a simi cu pa a si ahcun a nu sinah ni sarih tiang a um lai i ni riat ni ah ka sinah nan ka pekchanh lai.

EXODUS 22:31

“Nannih cu keimah sin i pekchanhmi nan si lai caah ramlak ah sa nih a sehmi sa kha nan ei lai lo, uico kha nan pek hna lai.

EZEKIEL 4:14

Sihmanhsehlaw kei nih kaa thawh i, “Maw Bawipa Pathian, zeitikhmanh ah kaa thurhhnawmh bal lo, amah tein a thimi maw, sa nih a sehmi maw, zeitikhmanh ah ka ei bal lo; sa thurhnawm ka kaa chungah a lut bal lo,” tiah ka ti.

EZEKIEL 44:31

Tlangbawi ahohmanh nih, va siseh, saram siseh amah thih in a thimi le sahrang nih a sehmi paoh cu a sa an ei lai lo.

LEVITIKAS 11:24

“Cun mah thil hna thawng hin thianglo nan cang lai; an ruak a tawngtu paoh cu zanlei tiang an thur lai i

LEVITIKAS 11:25

an ruak in zeipaoh a latu nih a thilpuan a suk lai i zanlei tiang thianglo a si lai.

LEVITIKAS 11:27

Ke pali in a kalmi saram hna lakah a kebor in a kalmi vialte cu nannih caah thianglo an si; an ruak a tawngtu paoh cu zanlei tiang thianglo an si lai i

LEVITIKAS 11:28

an ruak a phortu nih a thilpuan kha a suk lai i zanlei tiang thianglo a si lai; annih cu nan caah thianglo an si.

LEVITIKAS 11:31

A lawnmi thil vialte lakah mah hna hi nan ca i thianglo an si; mah hna hi an thih tikah a tawngtu hna paoh cu zanlei tiang thianglo an si lai.

LEVITIKAS 11:32

Cun, an thih tikah an tlakhnawhmi thilri paoh cu a thur lai, thing thilri siseh, puan siseh, saphaw siseh, sawngkhoi siseh, hman awk thil a simi paohpaoh; ti chungah ciah a si hrimhrim lai i zanlei tiang thianglo a si lai; cu tikah a thiang lai.

LEVITIKAS 11:39

“Cun nan eimi saram zeipaoh a thih ahcun, a ruak a tawngtu paoh cu zanlei tiang thianglo a si lai,

LEVITIKAS 11:40

cun a ruak a eimi paoh cu a thilpuan a suk hna lai i zanlei tiang thianglo a si lai; a ruak a putu paoh zong nih a thilpuan a suk hna lai i zanlei tiang thianglo a si lai.

LEVITIKAS 15:10

Amah toiah a ummi thil zeipaoh a tawngmi paoh cu zanlei tiang thianglo a si lai; cu bantuk thil a phortu nih cun a hnipuan a suk hna lai i ti in aa kholh lai i zanlei tiang thianglo a si lai.

LEVITIKAS 15:21

Ahohmanh a ihnak a tawng paoh cu a hnipuan kha a suk lai i ti in aa kholh lai i zanlei tiang a thianlo awk a si lai.

LEVITIKAS 15:5

Cun ahohmanh a ihkhun cu a tawngmi paoh nih a hnipuan cu a suk hna lai i ti in aa kholh lai i zanlei tiang thianglo a si lai.

LEVITIKAS 22:8

I thurter awkah amah tein a thimi siseh, sa nih a sehmi siseh, a ei lai lo; keimah cu Bawipa ka si.’

LEVITIKAS 7:24

Amah tein a thimi saram siseh, sa nih a sehmi siseh, a thau nan ei hrimhrim lai lo, sihmanhsehlaw zeidang caah cun nan hman khawh lai.

NAMBAR 19:19

cun a thiangmi pa nih a thiang lomi cu ni thumnak ni le ni sarihnak ni ah a theh lai; cu bangin ni sarihnak ni ah khan a tlengh lai i a hnipuan a suk hna lai i ti in a kholh lai i zanlei ah a thiang lai.

NAMBAR 19:21

Cun mah hihi annih caah nawlbia a si camcin lai. Tlenghnak ti a thehtu nih khan a hnipuan a suk lai; cun tlenghnak ti a tawngmi kha zanlei tiang thianglo a si lai.

NAMBAR 19:8

Cawla a khangmipa nih a hnipuan cu ti in a suk hna lai i a pum cu ti in aa kholh lai i zanlei tiang thianglo a si lai.

DEUTERONOMI 14:21

“Zeihmanh amah thih in a thimi cu nan ei lai lo; ramdangmi nan khua chung i a ummi hna kha nan pek hna lai, an duh ahcun an ei hna lai, asiloah phun dangmi sinah nan zuar khawh lai; zeitintiah nannih cu Bawipa nan Pathian caah a thiangmi miphun nan si. “Meheh fa cu a pi hnuk in nan chuang lai lo.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.