LEVITIKAS 17:10 - Lai (Hakha) Common Language Bible 2006

¹⁰ “Israel innchungkhar mi siseh, an sin i a pemmi siseh, ahohmanh nih zei thi hmanh a ei ahcun, thi a eimi cu ka hmai ka chiathnawh lai i a mi hna chungin ka hlonh lai.

LEVITIKAS 17:10 ပူးပေါင်းရင်းမြစ်များ

GENESIS 9:4

asinain sa kha a chung i thi a um lioah cun nan ei lai lo, zeicahtiah nunnak cu thi cu a si.

2 SAMUEL 23:17

“Maw Bawipa, mah hi cu ka tuah hrimhrim hnga lo. Thih le thih tiin a kalmi hna thi cu ka din ko hnga maw?” tiah a ti. Cucaah cun a ding duh lo. Mah thil hna cu miṭhawng pathum nih khan an tuah.

SALM 34:16

sihmanhsehlaw ṭhat lonak a tuahmi kha cu a ral hna i cucaah anmah mi lila hmanh nih khan an philh hna.

EXODUS 30:33

Hi bantuk chiti a sermi siseh, tlangbawi a si lomi thuhnak ca i hi chiti a hmangmi siseh, cu bantuk mi cu a phunhawi sinin thlei an si lai,’ tiah na chimh hna lai,” a ti.

JEREMIAH 21:10

Hi khua hi ka hmai ka thuhtak cang, an cung i ṭhatnak tuahnak ding caah si loin chiatnak tuahnak ding caah a si lai. Babilon siangpahrang sinah khan pek a si lai i mei in a khangh lai, tiah Bawipa nih a ti,” tiah a ti.

JEREMIAH 44:11

Cucaah Ralkapbu Bawipa, Israel Pathian nih hi bangin a ti: Nan cung i ṭhat lonak tlunter awk le Judah mi kha hloh cikcek awkah ka lung kaa thlek cang.

EZEKIEL 14:8

Cu hna cu ka hmai ka chiathnawh hna lai i anmah cu i zohchunh awk le serhsatnak bia ah ka ser hna lai; anmah cu ka mi hna chungin ka chuah hna lai. Cuticun Bawipa ka si kha nan hngalh lai.

EZEKIEL 15:7

Annih cu ka hmai ka chiathnawh hna lai, Mei chungin luat hna hmanh seh law mei ṭhiamṭhiam nih a kangh hna lai. Annih cu zumhawktlak loin an um caah ka hmai ka chiathnawh hna lai i Ram cu ka hrawh dih tikah Bawipa ka si cu nan hngalh lai. Mah hihi Bawipa Pathian bia hrimhrim a si, tiah a ti.

EZEKIEL 33:25

Cucaah annih cu chim hna law, hihi Bawipa Pathian bia an si, tiah ti hna: Sa cu a thi he nan ei chih, siasal kha nan mit nan hlerhnawh hna i thisen kha nan chuah; cun nannih nih ram kha co awkah nan i ruahchih rih!

EZEKIEL 44:7

Cu hleiah ramdangmi kha nan i ratpi fawn rih hna; annih cu lungthin in siseh pum in siseh cuarpartan lomi an si, ka hmunthiang ah khan nan dir i ka rawl kha a thau he a thi he nan ka pek tikah ka inn kha an thurhhnawmh i ka biakamnak kha pakpalawng ah nan ser.

LEVITIKAS 17:11

Zeitintiah titsa nunnak cu thi chungah a um i nan nunnak ca i biakṭheng cung i remnak sernak caah kan pekmi hna a si; zeitintiah nunnak thawng cun thi cu remnak sertu cu a si.

LEVITIKAS 19:26

“Zei sa hmanh a chung i a thi he nan ei lai lo. Kut ṭial zoh siseh, eih siseh, nan tuah lai lo.

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

LEVITIKAS 3:17

Thau siseh thi siseh nan ei lai lo, mah hihi nan chan chung vialte, nan umnak hmun kip ah, zungzal nawlbia a si lai.”

AMOS 9:4

An ral hna nih sal ah a bubu in an hruai hna zongah, Khika zongah cun vainam kha that hna ka ti ṭhiamṭhiam lai; An ṭhatnak ding caah si loin a chiatnak ding caah An cungah ka mit kha ka chiah peng ko lai.

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

DEUTERONOMI 12:16

A thi bel kha nan ei lai lo; vawlei cungah ti bangin nan thlet lai.

DEUTERONOMI 12:23

A thi bel kha ei hrimhrim hlah u; zeitintiah thi cu nunnak a si i nunnak cu sa he nan ei lai lo.

DEUTERONOMI 15:23

A thi bel nan ei lai lo; vawlei ah ti bantukin nan thlet lai.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

1 SAMUEL 14:32

mi hna nih cun hranchaw kha an zuanhnawh hna i tuu hna le cawtum hna le cawfa hna kha an lak hna i vawlei ah an thah hna i mi nih cun an thisen he an ei chih hna.

1 SAMUEL 14:33

Cun Saul kha an chimh i, “Zohhmanh, mi nih thisen an einak thawng in Bawipa sinah an sual cang,” tiah an ti. Cun anih nih, “Nannih nih hlennak in nan tuah cang; hika ah hin keimah sinah lungpi pakhat in rak hril tuah u,” tiah a ti.