LEVITIKAS 16:8 - Lai (Hakha) Common Language Bible 2006

⁸ Aaron nih meheh pahnih hna cungah cun camcawh fung a khiah lai, camcawh fung pakhat cu Bawipa caah, a dang pakhat cu Azazel caah.

LEVITIKAS 16:8 ပူးပေါင်းရင်းမြစ်များ

PHUNGTHLÛKBIA 16:33

Camcawhfung cu phei cungah hrilh a si tawn, sihmanhsehlaw biakhiahnak taktak cu Bawipa sin lawnglawng in a si.

EZEKIEL 48:29

Hi ram hi Israel miphun hna sinah ro caah nan phawt hna awk hnga cu a si lai i hihi an covo cu an si lai, tiah Bawipa Pathian hrimhrim nih a ti.

LEVITIKAS 16:10

sihmanhsehlaw Azazel ca camcawh fung a tlaknak meheh cu a cungah remnak ser awkah a nung in Bawipa hmaiah chuahpi a si lai, ram lakah Azazel sinah hei thlah a si nakhnga.

LEVITIKAS 16:26

Azazel sinah meheh kha a thlahtu nih khan a hnipuan kha a suk lai i ti in a pum kha aa kholh lai i cu hnuah riahnak hmun chungah khan a lut lai.

LEVITIKAS 16:7

Cu hnuah cun meheh pahnih kha a lak hna lai i Bawipa hmaiah tonnak thlam innka ah cun a chiah hna lai;

LEVITIKAS 16:9

Cun Aaron nih Bawipa ca camcawh fung a tlaknak meheh cu a lak lai i sual thawinak ah a thawi lai;

JONAH 1:7

A hmanung bik ah lawngcawng hna nih cun an i thawh i, “Hi vanchiatnak kan tonmi hi aho ruangah dah a si hnga, camcawhfung kan zuk tuah lai,” an ti. Cucaah camcawhfung cu an khiah i Jonah cungah khan a tla.

NAMBAR 26:55

Sihmanhsehlaw ram cu camcawh fung khiah in phawt a si lai; an pupa hna phun min ning cio ah an co lai.

NAMBAR 33:54

Ram cu nan hrinning cio in camcawh fung khiah in nan co lai; phun ngan deuh cu ro ngan deuh nan pek lai i phun hme deuh cu ro hme deuh nan pek lai; ahohmanh nih camcawh fung khiah in a hmuhmi hmun paoh cu, cu hmun cu amah ta a si lai; nan pupa hna phun ning cio ah nan co lai.