LEVITIKAS 16:4 - Lai (Hakha) Common Language Bible 2006

⁴ la hmangṭhia angkileng cu aa hruk lai i la hmangṭhia tawhrolh cu aa hrolh lai, la hmangṭhia taisawm aa sawmh lai i la hmangṭhia lupawng aa ponh lai; mah hna hi thilpuan thiang an si. A pum cu ti in aa kholh lai i mah cucu aa hruk hna lai.

LEVITIKAS 16:4 ပူးပေါင်းရင်းမြစ်များ

EXODUS 28:2

Rumra le dawhnak a ngeih nakhnga na u Aaron caah cun thuam thiang na ser lai.

EXODUS 29:4

“Aaron le a fapa hna kha pumhnak thlam innka ah khan nan ratpi hna lai i khika ah an i kholh lai.

EXODUS 30:20

Mei in khanghmi thawinak kha Bawipa sin i pekchanh awkah pumhnak thlam chung i an luh ah siseh, tlangbawi rian ṭuan in biakṭheng cu an hei fuh ah siseh, tiin an i ṭawl hmasa ahcun thihnak an huat lai lo.

EXODUS 40:12

“Aaron le a fapa hna kha pumhnak thlam innka ah na ratpi hna lai i ti in na kholhter hna lai.

ISAIAH 53:2

Vawlei car i a keomi thingkung bantukin a sal cu a rak ṭhang, cucu Bawipa duhning a rak si. Zoh kan duh nakhnga dingah i dawhnak le rumra zeihmanh a ngei lo, iang zeihmanh a ngei lo i a pumrua zong a chuakthiammi a si lo.

EZEKIEL 44:19

Lenglei tual i mizapi sinah an va chuah tikah, ka rian an ṭuan lio i an i hrukmi thilpuan kha an i phoih lai i a thiangmi khaan chungah khan an chiahtak hna lai i thilpuan dang an i hruk lai; cu ti an tuah lo ahcun thiannak ṭhawnnak kha an thilpuan cun mi zapi sinah khan an kalpi sual hnga.

EZEKIEL 9:2

Cun cunglei chaklei kutka hei fuhnak lam khan mi paruk an rat kha ka hmuh, raldohnak hreitlung an i put cio i anmah lak i pakhat cu puan hmangṭhia aa aih i a tai ah cafung le cahang kha a ngei; cun dar biakṭheng pawngah khan an dir.

LEVITIKAS 16:23

“Cun Aaron cu tonnak thlam chungah a lut lai i hmunthiang chung i a luh i aa hrukmi la hmangṭhia thilpuan kha aa phoih hna lai i cuka ah cun a kaltak hna lai;

LEVITIKAS 16:24

hmunthiang ah a pum cu ti in aa kholh lai i a thilpuan cu a aih hna lai i a ra chuak lai i amah ca khangh thawinak le zapi ca khangh thawinak kha a thawi lai i amah ca le zapi caah remnak a ser lai.

LEVITIKAS 16:32

Cun tlangbawi a pa hmun i tlangbawi si awk i chiti thuhmi le thleidanmi nih la hmangṭhia thil puan thiang kha i hruk in remnak kha a ser lai;

LEVITIKAS 6:10

Cun tlangbawi nih a puan hmangṭhia cu aa hruk lai i a pum cungah a puan hmangṭhia tawhrolh cu aa hrolh lai i, biakṭheng cung i mei nih a kangh dihmi khangh thawinak vutcam cu a lak lai i biakṭheng kamah a chiah hna lai.

LEVITIKAS 6:3

thiltlau kha a hmuh i cu kong ah lihchimnak le ding loin chiatsernak in siseh, Bawipa cungah a sual i phung a buar ahcun mah hi thil vialte minung nih an tuah tawnmi hna chungah hin

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

FILIPI 2:7

Amah lungtho te tu in cu vial cu a hlawt dih i sal sinak tu kha aa lak; Minung bantuk ah a cang i minung mui in a lang;

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

HEBRU 2:14

Cun ngakchia tiah a timi hna cu, thi le sa in a nungmi minung an si bantukin, Jesuh zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i nawl a ngeitu Khuachia kha, a thihnak thawng cun a hrawh nakhnga le

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.