LEVITIKAS 16:31 - Lai (Hakha) Common Language Bible 2006

³¹ Nannih caah dinh zirziarnak sabbath a si lai i nannih nih nan i temhinter lai; zungzal ca phung a si.

LEVITIKAS 16:31 ပူးပေါင်းရင်းမြစ်များ

EZRA 8:21

Cun kan Pathian sinin kanmah ca le kan fale hna ca le kan thilri vialte ca i lam ding kawl awkah amah hmaiah cun kan lung kan i ṭhumh khawh nakhnga Ahava tiva ah cun rawl ulhnak kan thanh.

EXODUS 31:15

Ni ruk chung rian nan ṭuan lai, sihmanhsehlaw ni sarih ni cu dinhnak ni, Bawipa ni zarh a si. Hi ni ah rian a ṭuanmi paoh cu thah a si lai.

EXODUS 35:2

‘Ni ruk chung nan rian kha nan ṭuan lai, sihmanhsehlaw ni sarih ni cu nan caah ni zarh a si lai, Bawipa sinah pekmi dinh ni a si. Cu ni i rian a ṭuanmi paoh cu thah a si lai.

ISAIAH 58:3

Mi nih khan an i thawh i, “Bawipa nih a hmuh hrathrai ding ṭung lo ahcun zeicahdah rawl cu kan ulh lai? Zei i a rel ṭung lo ahcun zeicahdah harnak cu kan in lai?” an ti. Bawipa nih a thawh hna i, “Rawl nan ulh pah ah pei nanmah duhnak kha nan kemh chih i nan rianṭuantu kha nan hrem hna cu.

ISAIAH 58:5

Rawl nan ulh tikah nanmah le nanmah sifah nan i pe, nan lu cu ram hnah bantukin niam tein nan khun i bawhnak caah khumpuan nan phah i a cungah vutcam nan phulh. Cucu maw rawl ulh nan timi cu a si? Cu nih cun a lung a ton lai ti ah maw nan ka ruah?

DANIEL 10:12

“Daniel, na thin phang hlah, zeicahtiah hngalh awkah na lung na bunh ni khan le na Pathian hmaiah na pum sifah naa pek ni khan, na thlacamnak cu Pathian nih a theih cang i cu na thlacamnak lehnak ah cun ka ratnak hi a si.

LEVITIKAS 23:32

Nannih caah dinh zirziarnak sabbath a si lai i nanmah le nanmah kha nan i temhinter lai; cu thla ni kua ni zanlei in, a thaizing zanlei tiang nan sabbath cu nan ulh lai,” tiah a ti.

LEVITIKAS 25:4

sihmanhsehlaw a kum sarihnak kum ah cun ram caah dinh zirziarnak sabbath a si lai, cucu Bawipa ca i sabbath cu a si lai; nan lo ah thlaici nan thla lai lo i nan mitsur dum zong nan thlo lai lo.