LEVITIKAS 16:29 - Lai (Hakha) Common Language Bible 2006

²⁹ “Cun mah hihi nannih nan phung zungzal a si lai, thla sarih thla a ni hra ni ah nan i temhinter lai i nanmah mi hrimhrim nih siseh, khual nan sin i a ummi nih siseh, rian nan ṭuan lai lo;

LEVITIKAS 16:29 ပူးပေါင်းရင်းမြစ်များ

1 SIANGPAHRANG 8:2

Cun thla sarihnak thla a simi Ethanim thla chung puai ah khan Israel mi vialte cu Siangpahrang Solomon sinah an i pum.

EZRA 3:1

Thla sarihnak thla a hung chuah i Israel mi hna cu an khua ah an um tikah, mi cu Jerusalem ah mi pakhat bantukin an i pum.

EZRA 8:21

Cun kan Pathian sinin kanmah ca le kan fale hna ca le kan thilri vialte ca i lam ding kawl awkah amah hmaiah cun kan lung kan i ṭhumh khawh nakhnga Ahava tiva ah cun rawl ulhnak kan thanh.

SALM 35:13

Sihmanhsehlaw annih an zawt tu ah cun ngaihchiatnak thuam kaa hruk i rawl hmanh ka ei lo; ka hawikom ca le ka unau caah lu fakpi khun in thla ka cam tawn bantukin, annih ca zongah cun ka cam.

SALM 69:10

Rawl ulhnak in toidornak lungthin ngeih kaa zuam i asinain mi nih an ka nihsawh ṭhiamṭhiam.

EXODUS 12:16

A ni hmasa bik ni le a ni sarihnak ni ah khan biaknak pumhnak nan ngei lai. Cu ni hnih chung cu rian zeihmanh nan ṭuan lai lo, nan ei awk rawl tuahto lawng kha onh nan si.

EXODUS 20:10

sihmanhsehlaw ni sarih ni cu dinh ni a si i Pathian caah nan hman lai. Cu ni ah cun ahohmanh rian nan ṭuan lai lo, nanmah siseh, nan fale si hna seh, nan sal si hna seh, nan saṭil si hna seh, nan khua chung i a ummi miphun dang si hna seh, ahohmanh rian nan ṭuan lai lo.

EXODUS 30:10

Kum khat ah voi khat in Aaron nih sual ngaihthiamnak thawinak kha a ki cungah hin a tuah lai. Sualnak ca le sual ngaihthiamnak ca i thawimi saram thisen khan Aaron nih hi biakṭheng caah hin ngaihthiamnak a hmuhpiak lai. Hmailei i a ra ding chan zongah hihi tuah hrimhrim awk a si lai. Hi biakṭheng cu a zarh hringhranmi biakṭheng a si, Bawipa sin i pekchanhmi biakṭheng a si.”

EXODUS 31:14

Cucaah cun dinhnak ni cu nan ca i ni zarh ah ser a si cang caah, nan ulh hrimhrim awk a si. A ul lomi cu thah a si hrimhrim lai. Dinh ni i rian a ṭuanmi paoh cu a phun hawi sinin thlei a si hrimhrim lai.

EXODUS 31:15

Ni ruk chung rian nan ṭuan lai, sihmanhsehlaw ni sarih ni cu dinhnak ni, Bawipa ni zarh a si. Hi ni ah rian a ṭuanmi paoh cu thah a si lai.

ISAIAH 58:13

Bawipa nih, “Sabbath ni cu nizarh ah nan rel i cu ni ah cun nanmah duhnak tuah kha nan i sum i ka nizarh cu nan sunhsak i nan upat i cu ni ahcun khual tlawng lo le rian ṭuan lo le holh sawhsawh loin nan um ahcun,

ISAIAH 58:3

Mi nih khan an i thawh i, “Bawipa nih a hmuh hrathrai ding ṭung lo ahcun zeicahdah rawl cu kan ulh lai? Zei i a rel ṭung lo ahcun zeicahdah harnak cu kan in lai?” an ti. Bawipa nih a thawh hna i, “Rawl nan ulh pah ah pei nanmah duhnak kha nan kemh chih i nan rianṭuantu kha nan hrem hna cu.

ISAIAH 58:5

Rawl nan ulh tikah nanmah le nanmah sifah nan i pe, nan lu cu ram hnah bantukin niam tein nan khun i bawhnak caah khumpuan nan phah i a cungah vutcam nan phulh. Cucu maw rawl ulh nan timi cu a si? Cu nih cun a lung a ton lai ti ah maw nan ka ruah?

DANIEL 10:12

“Daniel, na thin phang hlah, zeicahtiah hngalh awkah na lung na bunh ni khan le na Pathian hmaiah na pum sifah naa pek ni khan, na thlacamnak cu Pathian nih a theih cang i cu na thlacamnak lehnak ah cun ka ratnak hi a si.

LEVITIKAS 23:21

Cu ni theng ah cun thawngthanhnak nan ser lai; a thiangmi pumhnak nan tuah lai; rian fak zeihmanh nan ṭuan lai lo: nan techin fapar tiangin nan umnak kip ah zungzal ca nawlbia a si.

LEVITIKAS 23:3

Ni ruk chung rianṭuan a si lai; sihmanhsehlaw ni sarihnak ni ah cun dinh zirziarnak sabbath, pumhnak thiang a si lai; rian zeihmanh nan ṭuan lai lo; nan umnak cio ah Bawipa ca sabbath a si.

LEVITIKAS 23:36

Ni sarih chung Bawipa sinah mei in thawinak nan pek lai; ni riatnak ni ah a thiangmi pumhnak nan ser lai i Bawipa sinah mei in pekchanhnak nan tuah lai; mah cucu a liannganmi pumhnak a si; rian fak zeihmanh nan ṭuan lai lo.

LEVITIKAS 25:9

Cun thla sarih thla ni hra ni ah cun a thangmi muko kha nan chawhpi lai; remnak ni ah cun nan ram chung vialte ah muko cu nan tum thluahmah lai.

LEVITIKAS 3:17

Thau siseh thi siseh nan ei lai lo, mah hihi nan chan chung vialte, nan umnak hmun kip ah, zungzal nawlbia a si lai.”

NAMBAR 29:7

“Hi thla sarihnak thla a ni hra a ni ah hin a thiangmi pumhnak nan ngei lai nan i temhinter lai; rian nan ṭuan lai lo,

LAMKALTU 27:9

Cuka ah cun saupi kan cam i Tlanhnak Ni zong kha a luan cang caah hmailei i kal ding cu ṭihnung a si cang. Cucaah Paul nih cun ruahnak a pek hna i,

1 KORIN 11:31

Kanmah le kanmah kha ṭha tein kan i dah hmasa ahcun Pathian biaceihnak kha kan huat lai lo.

HEBRU 4:10

zeicahtiah Pathian cu a rian in aa dinh bantukin Pathian dinhnak chungah a lutmi cu an rian in an i din ve.

1 SAMUEL 7:6

Cucaah Mizpah ah an i pum i ti an than i Bawipa hmaiah an thlet i khi ni cu rawl an ul. Khika ah annih nih, “Bawipa cungah kan sual cang,” tiah an ti. Cun Samuel nih Israel mi cu Mizpah ah bia a ceih hna.