LEVITIKAS 16:18 - Lai (Hakha) Common Language Bible 2006

¹⁸ Cun Bawipa hmai i a ummi biakṭheng leiah cun a chuak lai i cu biakṭheng caah cun remnak a ser lai, cawtum le meheh thi kha tlawmpal in a lak hna lai i biakṭheng ki cu a velchum in a thuh hna lai.

LEVITIKAS 16:18 ပူးပေါင်းရင်းမြစ်များ

EXODUS 30:10

Kum khat ah voi khat in Aaron nih sual ngaihthiamnak thawinak kha a ki cungah hin a tuah lai. Sualnak ca le sual ngaihthiamnak ca i thawimi saram thisen khan Aaron nih hi biakṭheng caah hin ngaihthiamnak a hmuhpiak lai. Hmailei i a ra ding chan zongah hihi tuah hrimhrim awk a si lai. Hi biakṭheng cu a zarh hringhranmi biakṭheng a si, Bawipa sin i pekchanhmi biakṭheng a si.”

EZEKIEL 43:20

a thi cu tlawmpal in na lak i biakṭheng ki pali ah khan le a hram dot cungnung deuh a kil pali ah khan le a tlang a velchum ah khan na chiah hna lai i cuticun na thianh lai i a caah remnak na serpiak lai.

EZEKIEL 43:22

A ni hnih ni ah do a tlami mehehtum pakhat kha sual thawinak caah na pekchanh lai i cawtum in an thianh bantuk khan biakṭheng cu mehehtum in an thianh lai.

EZEKIEL 45:19

Tlangbawi nih khan sual thawinak thi tlawmpal kha a lak lai i biakinn innka tung ah le biakṭheng tlang a kil pali ah khan le chunglei tual kutka tung hna ah khan a nalh hna lai.

LEVITIKAS 16:16

Israel mi an thian lonak ruang le an phungbuarnak, an sualnak vialte ruangah, cu bangin hmunthiang caah cun remnak a ser lai; cu bantuk ṭhiamṭhiam in an thian lonak chung i annih he a um camcinmi tonnak thlam caah cun a tuah lai.

LEVITIKAS 16:17

Remnak ser awk i a thiangmi hmun ah a luh tikah a chuah ṭhan i amah ca le a innchungkhar ca le aa pummi Israel mi ca i remnak a ser dih hlantiang, ahohmanh tonnak thlam chungah an um lai lo.

LEVITIKAS 4:18

Cun sathi cu tlawmpal in tonnak thlam chungah a ummi biakṭheng ki ah cun a thuh lai, Bawipa hmaika ah cun; cu sathi a taangmi cu tonnak thlam innka ah a ummi khangh thawinak biakṭheng hram ah cun a thlet lai.

LEVITIKAS 4:25

Cun tlangbawi nih sual thawinak thisen cu tlawmpal in a kutdong in a tawh lai i khangh thawinak biakṭheng ki ah cun a thuh hna lai i a tangmi a thi cu khangh thawinak biakṭheng hram ah cun a thlet lai.

LEVITIKAS 4:7

Cun tlangbawi nih tonnak thlam chung a ummi rimthaw zihmui biakṭheng ki hna ah cun, Bawipa hmaika ah, thi cu tlawmpal a thuh lai. Cun cawtum thi a taang mi cu tonnak thlam innka ah a ummi khangh thawinak biakṭheng hram ah cun a thlet lai.

NAMBAR 28:22

cun nannih ca i remnak ser awkah, sual thawinak caah meheh a pa pakhat zong.

JOHAN 17:19

Annih zong kha na biatak in thianh an si nakhnga kei zong hi anmah ruangah kaa thianh ve.

HEBRU 2:11

Minung cu an sualnak kha a thianhpiak hna; minung sualnak a thianhtu le an sualnak a thianhpiakmi hna minung cu, an bu hnih in, an Pa cu aa khat ko. Cu ruangah cun Jesuh nih ka unau hna ti i kawh kha a ning a zak lo.