LEVITIKAS 16:17 - Lai (Hakha) Common Language Bible 2006

¹⁷ Remnak ser awk i a thiangmi hmun ah a luh tikah a chuah ṭhan i amah ca le a innchungkhar ca le aa pummi Israel mi ca i remnak a ser dih hlantiang, ahohmanh tonnak thlam chungah an um lai lo.

LEVITIKAS 16:17 ပူးပေါင်းရင်းမြစ်များ

1 CHANRELNAK 6:34

Samuel cu Elkanah fapa a si, Elkanah cu Jeroham fapa a si, Jeroham cu Eliel fapa a si, Eliel cu Toah fapa a si,

EXODUS 34:3

Ahohmanh na sinah ra hna hlah seh; tlang cung khuazeika hmanh ah khan ahohmanh um hna hlah seh; tlang hmaiah cun tuu zong caw zong tlong hna hlah seh,” a ti.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

LEVITIKAS 16:16

Israel mi an thian lonak ruang le an phungbuarnak, an sualnak vialte ruangah, cu bangin hmunthiang caah cun remnak a ser lai; cu bantuk ṭhiamṭhiam in an thian lonak chung i annih he a um camcinmi tonnak thlam caah cun a tuah lai.

LEVITIKAS 16:18

Cun Bawipa hmai i a ummi biakṭheng leiah cun a chuak lai i cu biakṭheng caah cun remnak a ser lai, cawtum le meheh thi kha tlawmpal in a lak hna lai i biakṭheng ki cu a velchum in a thuh hna lai.

LUKA 1:10

Cu caan cu rimhmui khangh lio i mi zapi Biakinn leng i thla an cam caan kha a si.

LAMKALTU 4:12

Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti.

1TIMOTE 2:5

Pathian cu pakhat lawng a si i Pathian le minung kar ah remnak sertu cu minung Khrih Jesuh lawng a si,

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 9:7

asinain chungchin thlam ah khan cun Tlangbawi Ngan lawng a lut kho i cu zong cu kum khat ah voi khat lawng a si. Thisen kha aa put i amah caah le mi nih hngalh loin an tuahmi sualnak caah Pathian sinah khan a pek.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i