LEVITIKAS 16:15 - Lai (Hakha) Common Language Bible 2006

¹⁵ “Cun mi zapi ca i a simi sual thawinak meheh kha a thah lai i a thi cu puanzar chungah a luhpi lai, cun a thi cu cawtum thi a tuah bantuk khan a tuah lai, velngeihnak ṭhutdan cung le velngeihnak ṭhutdan hmai kha a theh lai;

LEVITIKAS 16:15 ပူးပေါင်းရင်းမြစ်များ

LEVITIKAS 16:2

Moses sinah hi bangin Bawipa nih a ti: “Na u Aaron cu va chim law, puanzar chung hmunthiang ah, kuang cung i a ummi velngeihnak ṭhutdan hmaiah cun zeitikhmanh ah lut hlah seh, a thi sual lai; zeitintiah velngeihnak ṭhutdan cungah cun minmei in ka lang lai.

LEVITIKAS 4:21

Cun cawtum cu riahbuk lengah a kalpi lai i a hmasa cawtum a khangh bantuk khan a khangh ve lai; mah hihi mi zapi ca i sual thawinak a si.

LEVITIKAS 4:5

Cun chiti thuhmi tlangbawi nih cawtum thi tlawmpal cu a lak lai i tonnak thlam ah a rak put lai;

NAMBAR 17:11

Cu bangin Moses nih a tuah; Bawipa nih nawl a pek bang khan a tuah.

NAMBAR 28:15

Bawipa sin i sual thawinak ca zongah mehehtum pakhat; mah hihi tlaihlan khangh thawinak le a thlet thawinak hlei ah khan pekchanh a si lai.

HEBRU 2:17

Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

HEBRU 5:3

Cun amah zong cu tlin lonak a ngeimi a si ve caah cun, midang sualnak ca hrimhrim zongah khan raithawinak a tuah a hau.

HEBRU 6:19

Hi ruahchannak hi kan nunnak caah a fekmi le a ṭhawngmi thir cangai bantuk a si. Vancung biakinn puanzar kha lonh in chungchin hmunthiang ah khan kan ruahchannak cu a lut.

HEBRU 7:27

Amah cu tlangbawi dang hna bantuk kha a si lo, amah sualnak caah siseh, midang sualnak caah siseh, ni fate in raithawinak tuah kha a herh lo. Amah le amah raithawinak i aa pek ah khan zungzal ca za in raithawinak pakhat a tuah.

HEBRU 9:12

Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.

HEBRU 9:13

Phunglei in a thiang lomi cu meheh thi le cawtum thi le khanghmi cawfa vutcam kha an theh hna i cu bantukin phunglei in an thian lonak kha thianhpiak an si tikah mithiang ah an cang.

HEBRU 9:3

Puanzar pahnihnak hnulei ah khan Hmun Thiang Bik timi hmun kha a um.

HEBRU 9:7

asinain chungchin thlam ah khan cun Tlangbawi Ngan lawng a lut kho i cu zong cu kum khat ah voi khat lawng a si. Thisen kha aa put i amah caah le mi nih hngalh loin an tuahmi sualnak caah Pathian sinah khan a pek.