LEVITIKAS 15:31 - Lai (Hakha) Common Language Bible 2006

³¹ “Cu bangin Israel mi hna cu an thian lonak in nan fimkanter hna lai, annih lak i a ummi keimah puan biakinn thurternak in an thih sual nakhnga lo,” a ti.

LEVITIKAS 15:31 ပူးပေါင်းရင်းမြစ်များ

SALM 66:18

Ka sualnak kha rak thup ning law ka thlacamnak cu a rak ka ngaihpiak hnga lo.

EZEKIEL 23:38

Cun hi zong hi ka cungah an tuah rih: ka hmunthiang kha an thurhhnawmh i ka sabbath kha an buar hna.

EZEKIEL 44:23

A thiangmi thil kha a thiang lomi thil lakin thleidan khawh ding kha ka mi cu an cawnpiak hna lai i a thiangmi thil le a thiang lomi thil an i dannak kha an hmuhsak hna lai.

EZEKIEL 5:11

Ka hmunthiang kha na phung ṭhalo le na thil fihnung in na thurhhnawmh caah zaangfahnak um loin kan hloh lai, tiah Bawipa Pathian nih ka min chalh in ka ti; nangmah cu kan zuah hrimhrim lai lo.

DANIEL 9:27

Cu a ṭhawngmipa nih cun mi tampi he zarh khat chung a fekmi biakamnak a tuah lai i raithawinak le pekchanhnak kha zarh cheu chung a ngolter hna lai. Biakinn a sannak bik hmun ah khan ṭhiotu fihnung caah donghnak caan Pathian nih a timhmi a phak hlantiang cuka ah cun ṭiaonak chuahtertu thil fihnung cu a um lai.

LEVITIKAS 11:47

a thiang le thianglo le a nungmi thil ei awk a si hngami le a nungmi thil ei awk lo a si hngami hna thleidannak caah a si.

LEVITIKAS 13:59

Mah hihi, sahmul siseh, la hmangṭhia siseh, tahmi siseh, phiarmi siseh saphaw in sermi puan siseh, thinghmui zawtnak a ummi a thian le a thian lo khiahnak phunglam cu a si.

LEVITIKAS 15:32

Thil chuak a ngeimi le ci chuak a ngeimi, cu thawngin a thiang lomi hna le nu amah thian lonak in a zawmi, cun ahopaoh, pa siseh, nu siseh, thil chuak a ngeimi paoh,

LEVITIKAS 19:30

Ka sabbath hna cu nan ulh hna lai i ka hmunthiang cu nan upat hna lai: keimah cu Bawipa ka si.

LEVITIKAS 20:3

Cu pa cu ka hmai ka chiathnawh lai i a mi hna lakin ka hlonh lai, a fa pakhat cu ka hmunthiang thurhnawmhter awk le ka min thiang thurhnawmh awkah Molek kha a pek caah, ka hlonh hna lai.

LEVITIKAS 21:23

sihmanhsehlaw puanzar pawngah cun a ra lai lo i biakṭheng zong a fuk lai lo, zeitintiah dotlak lonak a ngeih caah ka hmunthiang kha a thurter sual lai; a thiantertu hna Bawipa cu keimah ka si,’ a ti tiah na chim lai,” tiah a ti.

NAMBAR 19:13

Ahohmanh nih mithi aho ruak hmanh siseh, a tawngh i aa thianh lo ahcun, Bawipa puan biakinn kha a thurter; cu pa cu Israel mi sinin hlonh awk a si lai; thianhnak ti kha a cungah theh a si lo caah amah cu thianglo a si lai; a thian lonak cu a cungah a tang rih.

NAMBAR 19:20

“Sihmanhsehlaw thianglo a si i aa tleng lomi cu, cu mi cu aa pummi hna lakin hlonh a si lai, Bawipa hmunthiang kha a thurhhnawmhter caah; thianhnak ti kha a cungah theh a si lo caah amah cu thianglo a si.

NAMBAR 5:3

pa siseh nu siseh na chuah hna lai, riahhmun lengah na chuah hna lai, zeitintiah a laifang i ka umnak an riahhmun cu an thurhhnawmh nakhnga lo,” tiah a ti.

1 KORIN 3:17

Cucaah ahohmanh nih Pathian biakinn cu a hrawh ahcun, amah cu Pathian nih a hrawh ve lai. Zeicahtiah Pathian biakinn cu a thiangmi a si i nanmah hrimhrim cu biakinn cu nan si.

DEUTERONOMI 24:8

“Thinghmui zawtnak kong ah i ralring tuah u, Levi tlangbawi hna nih an in chimhmi hna bangin ṭha tein tuah u; nawl kan pek hna bangin nannih nih ralring tein nan tuah lai.

HEBRU 10:29

Cu hmanh cu ti a si ahcun, Pathian Fapa zei i a rel lomi cu zeitindah tuah a si lai? Sualnak in a thianhtu Pathian biakamnak thisen zei i a rel lomi cu zeitindah tuah a si lai? Vel a ngeimi Thlarau a nihsawhtu cu zeitindah tuah a si lai? A in laimi dantatnak cu zeitluk in dah a ngan chinchin lai, ruat ko hmanh.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

1 SAMUEL 3:14

Cucaah Eli innchungkhar hna cu raithawinak in siseh, pekchanhnak in siseh, sualthianhpiak khawh, zungzal in an si lai lo, tiah Eli innchungkhar hna sinah cun chiat ka ser cang,” tiah a ti.