LEVITIKAS 15:18 - Lai (Hakha) Common Language Bible 2006

¹⁸ Pa nih nu he a ih i a ci a chuah ahcun an pahnih in ti in an i kholh lai i zanlei tiang thianglo an si lai.

LEVITIKAS 15:18 ပူးပေါင်းရင်းမြစ်များ

2 SAMUEL 11:4

Cucaah David nih lamkal a hei thlah hna i an va lak; cun a sinah a ra i a rak ihpi. (A nuphung thian lonak in aa thianh lio kha a si). Cun a inn ah khan a kir ṭhan.

SALM 51:5

Sual cia in hrin ka si, ka nu nih a ka pawi ah khan, misual ka si cang.

EXODUS 19:15

Moses nih cun a thawh hna i, “Kiptuh ah cun timh cia tein um u. Ahohmanh nu le pa si hlah u,” a ti hna.

LEVITIKAS 15:16

“Mipa pakhatkhat cu a ci a chuah ahcun a pum dihlak in ti in aa kholh lai i zanlei tiang thianglo a si lai.

LEVITIKAS 15:17

Puan siseh saphaw siseh a ci nih a nehmi paoh cu ti in suk a si lai i zanlei tiang thianglo a si lai.

LEVITIKAS 15:5

Cun ahohmanh a ihkhun cu a tawngmi paoh nih a hnipuan cu a suk hna lai i ti in aa kholh lai i zanlei tiang thianglo a si lai.

1 KORIN 6:12

Mi cheu nih nan i thawh lai i, “Kei cu zeipaoh tuah onh ka si ko,” nan ti. Asi, zeipaoh tuah onh na si ko lai, sihmanhsehlaw zeipaoh kha na caah a ṭha dih lo. Kei zong nih, “Zeipaoh tuah onh ka si,” ka ti khawh ve, sihmanhsehlaw zeihmanh kaa salter lai lo.

1 KORIN 6:18

Nu le pa sualnak kha hrial ko u. Sualnak dang nih cun mi hi a pum kha a hnorsuang lo, asinain nu le pa sualnak a tuahmi nih cun amah pum cung hrimhrim ah khan sualnak a tuah a si.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

1 PETER 2:11

Ka dawtmi ka hawile hna, hi vawlei cungah khual le ralzam nan si bantukin thlarau he aa do zungzalmi pumsa duhnak kha i teiter hna hlah u, tiah kan nawl hna.