LEVITIKAS 14:48 - Lai (Hakha) Common Language Bible 2006

⁴⁸ “Sihmanhsehlaw tlangbawi a rat i a zoh i inn cu lungbenhnak thung in benh a si hnuah zawtnak cu inn chungah a karh lo ahcun, tlangbawi nih inn cu a thiang tiah a thanh lai, zeitintiah zawtnak cu a dam cang.

LEVITIKAS 14:48 ပူးပေါင်းရင်းမြစ်များ

JOB 5:18

Zeicahtiah amah nih hriamhma an inter, Asinain amah lila nih an men ṭhan; Amah nih cun an tuk, sihmanhsehlaw a kut nih an damter ṭhan.

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

LEVITIKAS 14:3

tlangbawi cu riahhmun lengah a chuak lai i a zoh lai. Cun mithinghmui chung i thinghmui zawtnak cu a dam ahcun,

LEVITIKAS 14:43

“Lung cu an lak hna i inn cu an ziah i an benh hnuah zawtnak cu inn chungah cun a chuah ṭhan ahcun,

LEVITIKAS 14:47

cu inn chung i a itmi nih cun a thil kha a suk hna lai; cu inn chung i rawl a eimi nih cun a thil kha a suk hna lai.

LEVITIKAS 14:49

Cun inn thianhnak caah cun va a hmemi pahnih cu sidar thing le thil sen le husop he tiah a lak hna lai i

MARKA 5:29

Cu ka hmun le cu caan te ah cun a thi chuah cu a dam i ka zawtnak in ka dam cang, ti kha aa hngal.

MARKA 5:34

Jesuh nih cun, “Ka fanu, na zumhnak nih an damter cang. Dai tein va kal law na zawtnak cun va dam ko cang,” tiah a ti.

LUKA 7:21

Cu caan lio thengte ah cun Jesuh nih mi tampi kha an zawtnak le an nganfahnak, thlarau ṭhalo nih a tuah hnanak khan a damter hna i mitcaw tampi kha khua a hmuhter hna.

1 KORIN 6:11

A cheu cu cu bantuk cu nan rak si. Asinain sualnak in thianh nan si cang; Pathian sinah pekchanh nan si cang; Bawipa Jesuh Khrih min le kan Pathian Thlarau thawngin Pathian he remter nan si cang.