LEVITIKAS 14:40 - Lai (Hakha) Common Language Bible 2006

⁴⁰ tlangbawi nih cun zawtnak a umnak lung cu la u law, khua lengah hmun thianglo pakhatkhat ah hlonh u, tiah nawl a pek hna lai.

LEVITIKAS 14:40 ပူးပေါင်းရင်းမြစ်များ

SALM 101:5

Mi congoih a hmangmi kha daihter kaa zuam hna lai i miporhlaw hna le miruamkai hna he cabuai i ṭhut ṭi cu ka hrial lai.

PHUNGTHLÛKBIA 22:10

Mi lungpuam kha dawi u law rem lonak a lo lai, siknak le holh ṭhalo a dong lai.

LEVITIKAS 14:39

Cun ni sarih ni ah tlangbawi cu a ra ṭhan lai i a zoh lai; cun zawtnak cu inn vampang ah cun a rak karh ahcun,

LEVITIKAS 14:41

Cun innchung cu a velchum in a ziahter hna lai i lung benhnak thung an ziahmi cu khua lengah hmun thianglo pakhatkhat ah an thlet lai;

LEVITIKAS 6:11

Cun a puan kha aa phoih hna lai i puan dang aa aih lai i vutcam cu riahbuk leng hmunthiang ah a kalpi lai.

MATTHAI 18:17

Sihmanhsehlaw an bia zong kha a ngaih hlei lo ahcun, cu thil cu Khrihfabu kha na chimh hna lai. Cun Khrihfabu bia kha a ngaih duh ṭhiamṭhiam lo ahcun, lawkihmi maw, ngunkhuai khawltu maw, cu bantuk mi ah cun va zoh.

JOHAN 15:2

Thei a tlai lomi ka nge vialte kha a tan dih hna i thei a tlaimi nge vialte kha an tlai chinchin nakhnga a thianh hna.

TITAS 3:10

Bu chung ṭhennak a chuahtertu kha, a tlawm bik ah voi hnih tal ralrinnak pe hna, cu hnuah cun chuah ko hna.

BIAPHUAN 2:2

Na tuahmi kha ka hngalh ko; zeitluk in dah naa zuam le zeitluk in dah lungsau in na um kha ka hngalh. Mi ṭhalo na in khawh hna lo kha ka hngalh i lamkaltu an si na loin lamkaltu kan si aa timi hna na hneksak hna le milip an si na hliah khawh kha ka hngalh.

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.

BIAPHUAN 2:6

Sihmanhsehlaw hi ṭhatnak hi na ngei, cucu Nikolas zultu pawl nih an tuahmi kha keimah nih ka huat tlukin na huat ve.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.