LEVITIKAS 14:3 - Lai (Hakha) Common Language Bible 2006

³ tlangbawi cu riahhmun lengah a chuak lai i a zoh lai. Cun mithinghmui chung i thinghmui zawtnak cu a dam ahcun,

LEVITIKAS 14:3 ပူးပေါင်းရင်းမြစ်များ

2 SIANGPAHRANG 5:14

Cucaah Pathian mi bia bangkhan a vung kal i Jordan tiva chungah voi sarih a vung i hnim i cun a titsa cu a dam i ngakchia note titsa bantuk a si i amah cu a thiang.

2 SIANGPAHRANG 5:3

Cun a bawinu sinah cun, “Samaria i a ummi profet sinah ka bawipa hi va kal seh law ka hei duh dah! A thinghmui zawtnak hi a hei damh ko hnga,” tiah a ti.

JOB 5:18

Zeicahtiah amah nih hriamhma an inter, Asinain amah lila nih an men ṭhan; Amah nih cun an tuk, sihmanhsehlaw a kut nih an damter ṭhan.

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

LEVITIKAS 13:2

“Mi pakhatkhat cu a pum cuar cungah phinnak siseh, pharnak siseh, bonak siseh pakhatkhat a ngeih i cucu a pum cuar cung i thinghmui zawtnak ah a can tikah, cu tikah cun tlangbawi Aaron sinah siseh, tlangbawi a simi a fapa pakhatkhat sinah siseh, ratpi a si lai i

LEVITIKAS 13:46

Cu zawtnak a ngeih chung cu thianglo a si lai; amah cu thianglo a si ko; riahhmun lengah amah lawngin a um lai.

LEVITIKAS 14:48

“Sihmanhsehlaw tlangbawi a rat i a zoh i inn cu lungbenhnak thung in benh a si hnuah zawtnak cu inn chungah a karh lo ahcun, tlangbawi nih inn cu a thiang tiah a thanh lai, zeitintiah zawtnak cu a dam cang.

MATTHAI 10:8

A zawmi kha va damter hna u, mithi kha va thawhter hna u, thinghmui kha va thianter hna u, khuachia kha va ṭhawl hna u. Nannih nih man pek loin nan hmuh i man pek loin va pe ve hna u.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

LUKA 4:27

Profet Elisha chan ah Israel ram ah thinghmuimi tampi an rak um ko, sihmanhsehlaw Siria mi Naaman dah ti lo cu ahohmanh damtermi an um lo,” tiah a ti.

LUKA 7:22

Johan zultu pawl cu a leh hna i, “Va kir u law nan hmuhmi le nan theihmi: mitcaw nih khua an hmuhnak le, kebei nih an kal khawhnak le thinghmuimi nih thiannak an hmuhnak le hnachet nih khua an theihnak le a thimi hna nunter ṭhan an sinak le sifakmi hna sinah Thawngṭha chim a sinak kong kha Johan cu va chim u.