LEVITIKAS 14:25 - Lai (Hakha) Common Language Bible 2006

²⁵ Phungbuar thawinak tuufa cu a thah lai i tlangbawi nih phungbuar thawinak sathi cu tlawmpal in a lak lai i thianh awk a simi orhlei hnakhaw par le a orhlei siapi le a orhlei kepi ah a neh hna lai.

LEVITIKAS 14:25 ပူးပေါင်းရင်းမြစ်များ

SALM 40:6

Raithawinak le pekchanhmi thil hi na duhmi an si lo, biakṭheng cungah a pum in khanghmi thawinak sa hi na kan halmi a si lo, kan sualnak thianhnak ca i raithawinak tuah zong hi na kan halmi an si lo, asinain nangmah nih khan na bia kan theih khawh nakhnga ding caah hna tu kha na kan pek i

EXODUS 29:20

Na thah lai i a thi tlawmpal in na lak lai i Aaron le a fapa hna an orhlei hna cungah khan na neh hna lai, cun an orhlei kutpi le an orhlei kepi zongah khan na neh fawn hna lai. A taangmi thi cu biakṭheng velchum ah khan na thlet lai.

PHUNGCHIMTU 5:1

Biaknak inn na kal ah hin i ralring. Cu ka i na va kal tikah zeidah kaa cawn khawh lai ti kha ruat deuh, cucu ahmaanmi thil le ahmaan lo mithil a thleidang kho lomi mihrut hna nih an pekchanhmi raithawinak nakin a ṭha deuh.

LEVITIKAS 14:26

Cun tlangbawi nih cun chiti cu tlawmpal in amah a kehlei zapei kuar ah a thlet lai i

LEVITIKAS 5:7

“Sihmanhsehlaw tuufa kha a ngeih nih a tlinh lo ahcun, sualnak a tuahmi caah khan sual thawinak caah ṭhuro pahnih siseh, laileng no pahnih siseh, Bawipa sinah a rak put lai, pakhat cu sual thawinak caah a si lai i pakhat cu khangh thawinak caah a si lai.

LEVITIKAS 8:23

Cun Moses nih a thah i a thi cu tlawmpal in a lak i Aaron orhlei hnakhaw parte le a orhlei siapi le a orhlei kepi ah a thuh hna;