LEVITIKAS 14:21 - Lai (Hakha) Common Language Bible 2006

²¹ “Sihmanhsehlaw amah cu sifak a si i cu zat cu a tlinh khawh lo ahcun, amah ca i remnak sernak caah tuufa a pa pakhat phungbuar thawinak i hninh awk caah, changvut dip ephah cheu hra cheu khat chiti he cawhmi changvut thawinak caah, cun chiti thawl khat a lak lai;

LEVITIKAS 14:21 ပူးပေါင်းရင်းမြစ်များ

JOB 34:19

Bawi kha a duhdanh hna lo i mirum kha misifak hna nakin a upat hlei lomi siangpahrang cu, Nangmah nih sual na phawt ko maw? Zeicahtiah annih cu an dihlak in Pathian sermi an si,

PHUNGTHLÛKBIA 17:5

Misifak nihsawh cu a Sertu nehsawh kha a si, Mi nih van chiat an ton tikah a di a riammi cu dantat loin a luat lai lo.

PHUNGTHLÛKBIA 22:2

Mirum le misifak hna cu an i dang lo zeicahtiah Bawipa sermi cio an si.

EZEKIEL 46:7

Cun rawl thawinak caah khan cawtum he pek chih awkah ephah pakhat, tuukawng he pek chih awkah ephah pakhat, tuu he pek chih awkah a pek khawh zat paoh an si lai i ephah pakhat caah chiti hin khat lengmang a chap lai.

LEVITIKAS 1:14

“Bawipa sin i a pekchanhmi cu vate khangh thawinak a si ahcun, a pekchanhmi ṭhuro si hna seh laileng no si hna seh a rak put hna lai.

LEVITIKAS 12:8

Cun tuufa kha a ngeih khawh lo ahcun, ṭhuro pahnih maw, laileng no pahnih dik a lak hna lai, pakhat cu khangh thawinak caah a si lai i a dang cu sual thawinak caah a si lai; cun tlangbawi nih remnak a serpiak lai i amah cu a thiang lai.”

LEVITIKAS 14:10

“Cun ni riat ni ah do a tlami tuufa a pa pahnih le tuufa a nu pakhat kum khat a simi do a tlami le changvut thawinak i changvut dip ephah cheu hra cheu thum chiti he cawhmi le chiti thawl khat a lak lai.

LEVITIKAS 14:22

cun ṭhuro pahnih maw laileng no pahnih dik, a tlinh khawh deuh paohpaoh kha an si fawn lai; pakhat cu sual thawinak a si lai i pakhat cu khangh thawinak a si lai.

LEVITIKAS 27:8

Cun a man na tuakmi cu pakhatkhat nih a si a fah tuk caah a pek khawh lo ahcun, a minung cu tlangbawi hmaiah a chuahpi lai i tlangbawi nih cun a man cu a tuak lai; biakamnak a sertu nih a ti khawhning khan in tlangbawi nih a man cu a tuak lai.

LEVITIKAS 5:11

“Sihmanhsehlaw ṭhuro pahnih siseh, laileng no pahnih siseh, a ngeih nih a tlinh lo ahcun, sualnak a tuahmi thawinak caah khan, sual thawinak caah changvut dip ephah cheu hra cheu khat a rak put lai; chiti a toih lai lo, frankinsen zong a toih lai lo, zeitintiah mah hi cu sual thawinak a si.

LEVITIKAS 5:7

“Sihmanhsehlaw tuufa kha a ngeih nih a tlinh lo ahcun, sualnak a tuahmi caah khan sual thawinak caah ṭhuro pahnih siseh, laileng no pahnih siseh, Bawipa sinah a rak put lai, pakhat cu sual thawinak caah a si lai i pakhat cu khangh thawinak caah a si lai.

LUKA 6:20

Jesuh nih a zultu kha a zoh hna i a thawh hna i, “Nannih sifakmi hna i lawm u, Pathian Pennak cu nanmah ta a si.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

1 SAMUEL 2:8

Bawi hna sinah ṭhutter awk le Upatnak ṭhutdan coter awk caah, Sifakmi kha leidip lak in a thawh hna i Retheimi kha vutcam pumhmi lak in a cawi hna. Zeitintiah vawlei tung hna cu Bawipa ta an si i An cungah vawlei cu a chuan.