LEVITIKAS 13:6 - Lai (Hakha) Common Language Bible 2006

⁶ tlangbawi nih cun ni sarihnak ni ah a zoh ṭhan lai i zawtnak a umnak zawn cu a dulh i zawtnak cu cuar ah khan a karh lo ahcun, tlangbawi nih cun amah cu a thiang tiah a thanh lai; mah cucu a phar sawhsawhmi a si; a thilpuan a suk hna lai i a thiang ko lai.

LEVITIKAS 13:6 ပူးပေါင်းရင်းမြစ်များ

1 SIANGPAHRANG 8:38

Israel mi nih an dihlak in siseh, ahopaoh nih siseh, zei bantuk thlacamnak zong si ko seh, zei bantuk nawlnak zong si ko seh, an tuah i an lung chung cio in hremnak an inmi kha an hngalh i hi inn leiah hin an kut an zau hna ahcun,

1 SIANGPAHRANG 8:45

khi tikah van ah khin an thlacamnak le an in nawlnak cu rak theihpiak hna law, annih cu an rian ah cun ṭanpi ko hna.

SALM 19:12

Ahohmanh amah sualnak aa hmu khomi an um lo; a thli tein ka tuahmi ka sualnak chungin ka thianh tuah.

PHUNGTHLÛKBIA 20:9

Aho tal nih, “Ka lung cu ka thianter i ka sualnak in ka thiang cang,” an ti kho lai maw?

PHUNGCHIMTU 7:20

Ṭhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo.

ISAIAH 42:3

A derthawmmi cungah khan nem tein a um lai i bawmtu a ngei lomi kha a zaangfah hna lai. A hmunmi dinnak kha mi vialte cungah a tlunter lai.

LEVITIKAS 11:25

an ruak in zeipaoh a latu nih a thilpuan a suk lai i zanlei tiang thianglo a si lai.

LEVITIKAS 11:28

an ruak a phortu nih a thilpuan kha a suk lai i zanlei tiang thianglo a si lai; annih cu nan caah thianglo an si.

LEVITIKAS 11:40

cun a ruak a eimi paoh cu a thilpuan a suk hna lai i zanlei tiang thianglo a si lai; a ruak a putu paoh zong nih a thilpuan a suk hna lai i zanlei tiang thianglo a si lai.

LEVITIKAS 13:2

“Mi pakhatkhat cu a pum cuar cungah phinnak siseh, pharnak siseh, bonak siseh pakhatkhat a ngeih i cucu a pum cuar cung i thinghmui zawtnak ah a can tikah, cu tikah cun tlangbawi Aaron sinah siseh, tlangbawi a simi a fapa pakhatkhat sinah siseh, ratpi a si lai i

LEVITIKAS 13:5

ni sarihnak ni ah cun a zoh lai, cun amah hmuhnak ah zawtnak cu amah ning a si i a cuar ah zawtnak cu a karh lo ahcun, tlangbawi nih a dang ni sarih a hren rih lai;

LEVITIKAS 13:7

Sihmanhsehlaw amah thiannak ca i tlangbawi sin i aa hmuh hnuah khan a pharmi cu a cuar ah a karh ahcun, tlangbawi hmaiah khan a chuak ṭhan lai;

LEVITIKAS 14:8

Cun thianh awk a simi nih cun a hnipuan a suk hna lai i a sam vialte aa meh dih lai i ti in aa kholh lai i amah cu a thiang lai; cun cu hnuah cun riahnak hmun chungah cun a lut lai, sihmanhsehlaw amah buk lengah ni sarih a um lai.

ROM 14:1

Zumhnak lei i thazang a dermi kha nan bu chungah rak cohlang ko hna u, an pumpak ruahnak kha rak al len hna hlah u.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

DEUTERONOMI 32:5

Annih nih a cungah ṭhat lonak an tuah, An dotlak lonak thawngin a fale an si ti lo; Milolak le mizer chan an si.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

HEBRU 9:10

Cu laksawng le raithawinak hna nih an tuah khawhmi cu rawl kong le din awk kongkau le i thianhnak phunglam a phunphun lawng kha an si. Hi thil vialte hi lenglei phunglam lawng an si i, Pathian nih zeizong vialte a remh ṭhan caan ca tiang lawng an si.

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.