LEVITIKAS 13:45 - Lai (Hakha) Common Language Bible 2006

⁴⁵ “Mithinghmui, cu zawtnak a ngeimi nih cun, hni puan tlek aa aih lai i a sam cu a thlaiter lai i a hmur cunglei cu aa huh lai i, ‘Ka thianglo, ka thianglo,’ tiah a au lai.

LEVITIKAS 13:45 ပူးပေါင်းရင်းမြစ်များ

GENESIS 37:29

Reuben nih khan tikhor cu a va zoh ṭhan i Josef kha a rak um ti lo cu a hmuh tikah a ngaihchiatnak langhternak ah a thilpuan kha a thleh hna.

2 SAMUEL 13:19

Cun Tamar nih cun a lu ah vutcam aa phulh i a ban a saumi a angki fual aa hrukmi cu a thleh i a lu cungah a kut kha aa chuan i a kal, a kalpah cun thang piin a ṭappah lengmang.

2 SIANGPAHRANG 7:3

Cun kutka luhnak ah cun mi pali an um i annih cu mithinghmui an si; cun pakhat le pakhat kha bia an i ruah i, “Zeicah hen mah kah hin kan thih tiangin kan ṭhut ko?

JOB 1:20

Khi tikah Job cu a tho i a puan kha a thleh i a lu aa kawngh i vawlei ah a bawk i Pathian kha a biak.

JOB 42:6

Cucaah keimah le keimah cu kaa hua i leidip le vutcam lakah ṭhu in kaa ngaihchih,” tiah a ti.

SALM 51:3

Ka palhnak cu kaa hngal i ka sualnak cu kaa thei zungzal ko.

SALM 51:5

Sual cia in hrin ka si, ka nu nih a ka pawi ah khan, misual ka si cang.

ISAIAH 52:11

Thil thiang a phortu hna, Babilon khan khulrang in chuak u. Tawngh lo ding timi thil kha tawng hna hlah u, thiang tein um u law khua kha chuahtak u.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

JEREMIAH 3:25

Ningzak in it ko u sih, kan mualphonak nih khan kan khuh ko seh, Zeicahtiah kanmah le kan pupa hna nih Bawipa kan Pathian cungah khan Hlanpi in atu tiang kan sual i Bawipa kan Pathian kha a bia kan ngai lo,” nan ti.

JEREMIAH 36:24

Siangpahrang siseh, hi bia a theimi a sinum nih si hna seh, thinphannak a langhter i a puan a thlekmi ahohmanh an um lo.

ṬAHNAK HLA 4:15

‘Kal u, kal u, mithurhnawm hna!’ tiah mi nih an hauh hna. ‘Kal u, kan naih hlah u,’ tiin, Khulrang in an kal, miphun hna lakah khan an vai i Dinhnak hmun zeihmanh an hmu lo.

EZEKIEL 24:17

Lung ṭhawng in um ko, na ludomh cu naa domh tawn bantukin i domh law na kedan cu i danh tuah. Na hmur cunglei kha i khuh hlah, hnabeidonghnak rawl, timi zong kha ei hlah,” a ti.

EZEKIEL 24:22

Cun keimah nih ka tuahmi kha nan tuah lai, nan hmai kha nan i khuh lai lo i mithi ngaimi nih an ngaihmi rawl kha nan ei lai lo.

JOEL 2:13

Nan puan si loin nan lung tu kha thlek tuah u,” tiah Bawipa nih a ti. Bawipa nan Pathian sinah cun ra kir ṭhan tuah u, Amah cu zaangfahnak le vel a ngeimi a si; Amah cu a thin a fual i a biakamnak kha a zulmi a si; Ka tlunter lai tiah a timi harnak kha leet i ngaihthiam awk tu ah aa tim zungzalmi a si.

LEVITIKAS 10:6

Cun Moses nih Aaron le a fapa hna Eleazar le Ithamar sinah, “Nan sam i thlah hlah u, nan puan kha thlek hna hlah u, nan thih sual i mibu dihlak cungah thinhunnak a rat sual nakhnga lo; sihmanhsehlaw Bawipa nih a kanghtermi mei kanghnak cu nan unau, Israel chungkhar dihlak nih khan, ṭah hna seh.

LEVITIKAS 13:44

amah cu mi thinghmui a si, amah cu thianglo a si; tlangbawi nih amah cu thianglo a si tiah a thanh hrimhrim lai; a zawtnak cu a lu cungah a um.

LEVITIKAS 21:10

“Tlangbawi, a unau hna lak i upa bik a simi, a lu cung i thuhnak chiti toihmi, puan aih awkah thiantermi nih cun a lu cung sam kha a thlah lai lo i a hnipuan zong a thlek lai lo;

MIKAH 3:7

Hmutu pawl si hna seh, mang ih thiam si hna seh an dihlak in an ning a zak lai; Pathian sinin lehnak zeihmanh a um lo caah an dihlak in an kaa an i hup lai.

NAMBAR 5:2

“Riahhmun lengah thinghmui zawtnak a ngei paoh le, thil chuak a ngei paoh le miruak he i tawnghnak in a thiang lomi vialte cu an chuah hna nakhnga nawl pe hna;

LUKA 17:12

Khua pakhat chungah hin a va lut i cuka ah cun thinghmuimi pahra an rak um i cu hna nih cun an rak ton. Lamhlatpi khin an dir i,

LUKA 5:8

Simon Peter nih cucu a hmuh tikah Jesuh hmaiah cun a khuk aa bil i, “Bawipa, ka kaltak ko, kei cu misual ka si,” tiah a ti.