LEVITIKAS 13:4 - Lai (Hakha) Common Language Bible 2006

⁴ Sihmanhsehlaw a pum cuar i a bomi cu a ran i cuar nakin a thuk deuh a lawh lo i a hmul kha a ran lo ahcun, tlangbawi nih zawtnak a ngeimi cu ni sarih chung a hren lai i

LEVITIKAS 13:4 ပူးပေါင်းရင်းမြစ်များ

EZEKIEL 44:10

Sihmanhsehlaw Levi mi nih cun Israel mi hna nih a pingah an kal i an siasal kha an biak hna i an ṭhat lonak ruangah dantatnak an hmuh tikah khan, rak ka hlaw hna hmanh seh law, anmah ṭhiamṭhiam nih ka hmunthiang chungah rian an ṭuan lai.

LEVITIKAS 13:11

cucu a pum cuar chung i thinghmui hma hlun a si, tlangbawi nih amah cu thianglo a si tiah a thanh lai; a hreng lai lo, zeitintiah amah cu thianglo a si ko.

LEVITIKAS 13:25

tlangbawi nih a zoh lai i a bonak ka i hmul cu a ran i cuar nak thuk deuh in a langh ahcun, cucu thinghmui zawtnak a si; mei hma in a hung chuakmi a si tlangbawi nih amah cu thianglo a si tiah a thanh lai; thinghmui zawtnak a si.

LEVITIKAS 13:26

Sihmanhsehlaw tlangbawi nih a zoh i a bonak ka i a hmul kha a ran lo i cuar nakin a thuk deuh lo i a dulh ahcun, tlangbawi nih amah cu ni sarih a hren lai i

LEVITIKAS 13:3

tlangbawi nih cun a pum cuar cung i zawtnak a umnak zawn cu a zoh lai; zawtnak a umnak zawn hmul cu a ran i a zawtnak cu a pum cuar nakin a thuk deuh a lawh ahcun, cucu thinghmui zawtnak a si; tlangbawi nih a zoh dih tikah amah cu thianglo a si tiah a thanh lai.

LEVITIKAS 13:31

Cun tlangbawi nih a thakmi zawtnak cu a zoh i cuar nak i thuk deuh in a langh lo i a chungah hmul nak a um lo ahcun, tlangbawi nih cun thakpherh zawtnak a ngeimi cu ni sarih a hren lai;

LEVITIKAS 13:5

ni sarihnak ni ah cun a zoh lai, cun amah hmuhnak ah zawtnak cu amah ning a si i a cuar ah zawtnak cu a karh lo ahcun, tlangbawi nih a dang ni sarih a hren rih lai;

LEVITIKAS 13:50

Cun tlangbawi nih zawtnak cu a zoh lai i zawtnak a ngeimi cu ni sarih a hren lai i

LEVITIKAS 14:38

tlangbawi cu inn chungin innka in a chuak lai i inn cu ni sarih a hrenh lai.

NAMBAR 12:14

Sihmanhsehlaw Bawipa nih Moses sinah cun, “A pa nih a hmaiah a cil chak seh law, cu hmanh ah cun ni sarih chung cu ningzak in a um lai lo mei? Amah cu riahhmun lengah ni sarih chuah si seh law, cu hnuah cun luhter a si ṭhan te lai,” tiah a ti.

NAMBAR 12:15

Cu bangin Miriam cu riahhmun lengah ni sarih chuah a si i mi cu Miriam luh a si ṭhan hlantiang cu i thawh loin an um.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

DEUTERONOMI 13:14

nan dothlat lai i nan kawl lai i fel tein nan hal lai; cun zohhmanh, cu bantuk thil fihnung cu nan lakah tuah a si kha a dik le a si hrimhrimmi a si ahcun,

1TIMOTE 5:24

Micheu cu an sualnak kha fiang tein a lang ko i an sualnak cu anmah hlanah biaceihnak kha a phan ko; sihmanhsehlaw a cheu cu an sualnak kha a hnu lawngah a lang.