LEVITIKAS 12:8 - Lai (Hakha) Common Language Bible 2006

⁸ Cun tuufa kha a ngeih khawh lo ahcun, ṭhuro pahnih maw, laileng no pahnih dik a lak hna lai, pakhat cu khangh thawinak caah a si lai i a dang cu sual thawinak caah a si lai; cun tlangbawi nih remnak a serpiak lai i amah cu a thiang lai.”

LEVITIKAS 12:8 ပူးပေါင်းရင်းမြစ်များ

LEVITIKAS 1:14

“Bawipa sin i a pekchanhmi cu vate khangh thawinak a si ahcun, a pekchanhmi ṭhuro si hna seh laileng no si hna seh a rak put hna lai.

LEVITIKAS 12:7

Cun amah nih Bawipa hmaiah a thawi lai i remnak a serpiak lai; cun a thi chuahnak cun amah cu a thiang lai. Mah hihi fapa a hringmi caah siseh, fanu a hringmi caah siseh, phunglam a si.

LEVITIKAS 13:1

Bawipa nih Moses le Aaron sinah hitin a ti,

LEVITIKAS 14:21

“Sihmanhsehlaw amah cu sifak a si i cu zat cu a tlinh khawh lo ahcun, amah ca i remnak sernak caah tuufa a pa pakhat phungbuar thawinak i hninh awk caah, changvut dip ephah cheu hra cheu khat chiti he cawhmi changvut thawinak caah, cun chiti thawl khat a lak lai;

LEVITIKAS 14:22

cun ṭhuro pahnih maw laileng no pahnih dik, a tlinh khawh deuh paohpaoh kha an si fawn lai; pakhat cu sual thawinak a si lai i pakhat cu khangh thawinak a si lai.

LEVITIKAS 15:14

Cun ni riat ni ah ṭhuro pahnih maw laileng no pahnih dik aa put hna lai i Bawipa hmaiah tonnak thlam innka ah cun a ra lai i tlangbawi sinah cun a pek hna lai;

LEVITIKAS 15:15

tlangbawi nih cun a thawi hna lai, pakhat cu sual thawinak caah, pakhat cu khangh thawinak caah; cun tlangbawi nih amah caah cun a thil chuakmi caah khan Bawipa hmaiah remnak a serpiak lai.

LEVITIKAS 15:29

Cun ni riat ni ah cun ṭhuro pahnih maw laileng no pahnih dik a lak lai i tlangbawi sinah, tonnak thlam innka ah cun, a rak put hna lai.

LEVITIKAS 4:26

Cun a thau vialte cu biakṭheng ah a khangh hna lai, daihnak thawinak pekchanhnak sathau bantuk khan; cu bantuk cun tlangbawi nih a sualnak caah cun remnak a tuahpiak lai i ngaihthiam a si lai.

LEVITIKAS 5:11

“Sihmanhsehlaw ṭhuro pahnih siseh, laileng no pahnih siseh, a ngeih nih a tlinh lo ahcun, sualnak a tuahmi thawinak caah khan, sual thawinak caah changvut dip ephah cheu hra cheu khat a rak put lai; chiti a toih lai lo, frankinsen zong a toih lai lo, zeitintiah mah hi cu sual thawinak a si.

LEVITIKAS 5:7

“Sihmanhsehlaw tuufa kha a ngeih nih a tlinh lo ahcun, sualnak a tuahmi caah khan sual thawinak caah ṭhuro pahnih siseh, laileng no pahnih siseh, Bawipa sinah a rak put lai, pakhat cu sual thawinak caah a si lai i pakhat cu khangh thawinak caah a si lai.

MATTHAI 21:12

Jesuh cu biakinn ah khan a va lut i biakinn chung i chaw a rak zuarmi le a rak cawmi kha a ṭhawl dih hna; tangka thlengtu pawl cabuai le laileng zuartu pawl ṭhutdan kha a leh dih hna i

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.