LEVITIKAS 11:8 - Lai (Hakha) Common Language Bible 2006

⁸ An sa nan ei lai lo i an ruak nan tawng lai lo; nan caah a thianglo an si.

LEVITIKAS 11:8 ပူးပေါင်းရင်းမြစ်များ

ISAIAH 52:11

Thil thiang a phortu hna, Babilon khan khulrang in chuak u. Tawngh lo ding timi thil kha tawng hna hlah u, thiang tein um u law khua kha chuahtak u.

HOSEA 9:3

Bawipa ram chungah hin Israel mi hi khua nan sa kho lai lo i Izipt ram ah khan nan kir ṭhan lai, asilole Assiria ram ah rawl thiang lo kha nan ei lai.

LEVITIKAS 11:7

Cun vok, a tin a ṭe i aa ṭhen ko nain rawlret a khai lo caah, nan caah a thianglo a si.

LEVITIKAS 11:9

“Ti chung i a ummi thil vialte lakah mah hna hi nan ei lai. Rili chungah siseh, tiva chungah siseh, ti chung i a ummi, ṭeh le phokphawher a ngeimi thil paohpaoh cu nan ei hna lai.

LEVITIKAS 5:2

Cun, ahohmanh nih a thiang lomi thil, a thiang lomi saram ruak siseh, a thiang lomi saṭil ruak siseh, a thiang lomi a lawnmi ruak siseh a tongh i amah nih a hngalh lo i aa buar ahcun, amah nih a hun hngalh cangka in a mawh lai.

MATTHAI 15:11

Mi cu a kaa chung i a lutmi nih a thurter lo, sihmanhsehlaw a kaa chungin a chuakmi tu nih hin a thurter,” a ti hna.

MATTHAI 15:20

Hihi mi a thurtertu cu an si. Sihmanhsehlaw rawl ei lai kut ṭawl lo nih cun mi a thurter lo,” tiah a ti.

MARKA 7:15

Mi cu lenglei in chunglei ah a lutmi thil nih a thurter lo. A chungin a chuakmi thil tu nih a thurter.

MARKA 7:18

Jesuh nih cun, “Midang nakin nan fim hlei lo hi ta! Nan hngal kho hrim lo maw? Minung cu lenglei in a chungah a lutmi thil nih cun a thurter lo.

MARKA 7:2

A zultu cheukhat cu kut ṭawl loin rawl an ei kha an hmuh hna — a sullam cu Farasi mi hna nih cuticun nan kut nan i ṭawl awk a si, an tining in an i ṭawl lo tinak a si.

LAMKALTU 10:28

Annih cu a thawh hna i, “Judah mi cu Jentail mi he i len i kai awk le i komh i hawi awk kha an biaknak phung nih a onh hna lo ti cu nannih nih fiang tein nan hngalh. Sihmanhsehlaw mi zeihmanh kha a thur le a thianglo i ka ruah hna nakhnga lo Pathian nih a ka hmuhsak cang.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

ROM 14:21

Cucaah sa ei i sum tehna, zu din i sum tehna, nan unau a tlukrilhtertu a si ding paohpaoh tuah i sum tehna kha ahmaanmi thil a si.

1 KORIN 8:8

Rawl nih cun Pathian he kan i pehtlaihnak cu a ṭhatter deuh hlei lai lo; kan ei lo ah zeihmanh kan sung hlei lai lo, kan ei zongah zeihmanh kan miak hlei lai lo.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

EFESA 5:7

Cu bantuk mi cu a komh in kom hna hlah u.

KOLOSE 2:16

Cucaah cun ahohmanh nih nan ei nan dinmi thil kong ah siseh, ni thiang le Thla Thar Puai le Sabbath kong ah siseh, phung in serpiak hna hlah seh.

HEBRU 9:10

Cu laksawng le raithawinak hna nih an tuah khawhmi cu rawl kong le din awk kongkau le i thianhnak phunglam a phunphun lawng kha an si. Hi thil vialte hi lenglei phunglam lawng an si i, Pathian nih zeizong vialte a remh ṭhan caan ca tiang lawng an si.