LEVITIKAS 11:7 - Lai (Hakha) Common Language Bible 2006

⁷ Cun vok, a tin a ṭe i aa ṭhen ko nain rawlret a khai lo caah, nan caah a thianglo a si.

LEVITIKAS 11:7 ပူးပေါင်းရင်းမြစ်များ

ISAIAH 65:4

Zan ah thi tlawn ah lungkua kip le thlan kip ah khan an kal. Hi hna nih hin voksa kha an ei i lawkih raithawinak ah an hmanmi sa tihang kha an din.

ISAIAH 66:17

Bawipa nih aa thawh i, “Lawkih biaknak i kal awkah le dum thiang timi ah a run in kal awk caah aa thianh i voksa le zusa le rawl fihnung a dangdang a eimi hna an donghnak ding cu a nai cang.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

LEVITIKAS 11:3

Saram lakah a tin a ṭe i aa ṭhen i rawlret a khaimi cu nan ei lai.

LEVITIKAS 11:6

Cun saveh, rawlret a khai nain a tin a ṭet lo caah a thianglo a si.

LEVITIKAS 11:8

An sa nan ei lai lo i an ruak nan tawng lai lo; nan caah a thianglo an si.

MATTHAI 7:6

“A thiangmi thil cu uico kha va pe hna hlah u — an i let lai i nanmah lehlam kha an in seh hna lai. Nan lungvar cu vok hmaiah va thla hlah u, vok nih cun a lamh in an lamh men ko lai.

LUKA 15:15

Cucaah cuka ram mipa pakhat sinah khan kuli va ṭuan awkah a kal i cu pa nih cun vok cawngh awkah a lo ah a rak kalter.

LUKA 8:33

Cucaah khuachia cu mipa chung cun an chuak i vok chungah cun an lut; an run ningpi in lungpang hrap cun tili chungah khan an zuang i an thi dih.

DEUTERONOMI 14:8

Cun vok, zeicahtiah a tin cu a ṭe nain rawlret a khai lo, cu caah nan caah a thianglo. An sa nan ei lai lo, an ruak zong nan tawng lai lo.