LEVITIKAS 11:44 - Lai (Hakha) Common Language Bible 2006

⁴⁴ Zeitintiah keimah cu Bawipa nan Pathian ka si; cu caah i thianter u law, thianghlim u, keimah ka thian caah. Vawlei ah a vah in a vakmi thil zeihmanh in i thurter hlah u.

LEVITIKAS 11:44 ပူးပေါင်းရင်းမြစ်များ

SALM 99:5

Bawipa kan Pathian cu thangṭhat u; a bawiṭhutdan hmaiah khan amah cu bia u, amah cu Mi Thiang a si.

SALM 99:9

Bawipa kan Pathian cu thangṭhat u, a tlang cungah cun amah cu bia u. Bawipa kan Pathian cu Mi Thiang a si!

EXODUS 16:12

“Israel mi hna an phunzainak cu ka theih cang, cucaah, ‘Pa fa hmelpalh ah ei awk sa nan hmuh lai i zinglei ah nan duh zat in rawl nan hmuh lai. Cun Bawipa cu nan Pathian ka si kha nan hngalh lai, a ti,’ tiah chim hna,” a ti.

EXODUS 19:10

Bawipa nih Moses cu, “Mi zapi sinah khin va kal law nihin le thaizing biaknak ding caah va timhlamhter hna. An thil kha su hna seh law

EXODUS 19:6

Nannih cu tlangbawi bantukin ka rian a ṭuanmi miphun nan si lai i keimah sin i pekchanhmi nan si lai,’ a ti, tiah chim hna. Cucu Israel mi cu na chimh hrimhrim hna lai,” a ti.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 22:30

Cun nan caw fater hna le nan tuu fater hna zong kha nan ka pek lai; fater a simi cu pa a si ahcun a nu sinah ni sarih tiang a um lai i ni riat ni ah ka sinah nan ka pekchanh lai.

EXODUS 22:31

“Nannih cu keimah sin i pekchanhmi nan si lai caah ramlak ah sa nih a sehmi sa kha nan ei lai lo, uico kha nan pek hna lai.

EXODUS 23:25

Bawipa nan Pathian lawng kha nan biak lai i ti le rawl in thluachuahnak kan pek hna lai i nan dam lonak vialte kha kan lakpiak hna lai.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

ISAIAH 43:3

Zeicahtiah keimah cu Bawipa na Pathian ka si, nangmah an khamhtu Israel Pathian thiang cu ka si. Nangmah luatternak ding caah Izipt cu ka hlawt lai i Ethiopia le Seba zong ka hlawt ko hna lai.

ISAIAH 51:15

“Keimah cu Bawipa nan Pathian ka si; rili cu ka thawhter i a tilet cu ka awnhter hna. Ka min cu Ralkapbu Bawipa a si!

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

LEVITIKAS 11:43

A vah in a vakmi thil zeihmanh khan nannih nih fih nan i nunter lai lo; cun cu hna cun a thur zong nan i thurter lai lo, thianglo nan si sual hnga.

LEVITIKAS 18:2

“Israel mi hna sinah hitin va chim tuah, Kei cu Bawipa nan Pathian ka si.

LEVITIKAS 19:10

Nan mitsur dum kha nan thianh hirhiar lai lo, nan mitsur dum chung i a tlami mitsur thei zong kha nan char hna lai lo; misifak le mipem caah nan nganhtak hna lai: keimah cu Bawipa nan Pathian cu ka si.

LEVITIKAS 19:2

“Hi bangin Israel mibu hna sinah va chim tuah; Nan thian awk a si, zeitintiah keimah, Bawipa nan Pathian cu ka thiang.

LEVITIKAS 19:3

Nannih vialte nih nan nu le nan pa kha nan upat hna lai i ka sabbath hna kha nan ulh hna lai, kei cu Bawipa nan Pathian ka si.

LEVITIKAS 19:4

Siasal leiah i mer hlah u, thletmi pathian zong i ser hna hlah u: keimah hi Bawipa nan Pathian cu ka si.

LEVITIKAS 20:26

Nannih cu keimah caah mithiang nan si lai; zeitintiah keimah, Bawipa cu, ka thiang i nannih cu keimah ta nan si nakhnga, midang sinin kan thleidan hna.

LEVITIKAS 20:7

Cu caah i thianter u law, thianghlim tuah u; zeicahtiah kei cu Bawipa nan Pathian ka si.

LEVITIKAS 21:8

Amah cu na thianter lai, zeitintiah nan Pathian changreu cu a pechantu a si; nan caah mithianghlim a si lai; zeicahtiah nannih an thiantertu hna Bawipa keimah cu ka thiang.

AMOS 3:3

Mi pahnih nih hnatlaknak ngeih hmasa loin khual an tlawng ṭi bal maw?

NAMBAR 15:40

Cucaah nannih nih ka nawlbia vialte cu nan hngalh camcin lai i nan tuah lai i nan Pathian sinah nan thiang lai.

MATTHAI 5:48

Vancung khua i a ummi nan Pa a tlin bantukin nannih zong nan tlin awk a si.

DEUTERONOMI 14:2

Zeitintiah nannih cu Bawipa nan Pathian ca i a thiangmi miphun nan si i Bawipa nih nannih cu amah ta hrimhrim si awkah, vawlei cung i a ummi miphun vialte hna lakin an thim hna.

1THESALON 4:7

Pathian nih sualnak tuah lengmang dingin a kan au lo, mithiang si ding tu ah a kan auh.

JOSHUA 24:19

Sihmanhsehlaw Joshua nih mi zapi cu, “Bawipa cu a rian nan ṭuan kho lai lo, zeitintiah amah cu Pathian thiang a si; nahchuak Pathian a si; nan phungbuarnak siseh, nan sualnak siseh, an ngaithiam hna lai lo.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

BIAPHUAN 22:11

Miṭhalo cu ṭhat lonak kha tuah lengmang ko seh, fihnung a simi cu fihnung kha tuah lengmang ko seh, miṭha a simi cu ṭhatnak kha tuah lengmang ko seh, mithiang a simi cu thiannak kha tuah lengmang ko seh,” a ti.

1 SAMUEL 2:2

“Bawipa bantukin a thianghlim ahohmanh an um lo Nangmah hleiah ahohmanh an um lo; Kan Pathian bantuk lungpi zong an um lo.

1 SAMUEL 6:20

Cun Beth-shemesh khuami nih, “Hi Pathian thiang, Bawipa, hmaiah hin ahodah a dir kho lai? Kannih sin hin aho sinah dah a hung kal lai?” an ti.