LEVITIKAS 11:11 - Lai (Hakha) Common Language Bible 2006

¹¹ Nannih caah fihnung an si zungzal lai; an sa nan ei lai lo i an ruak cu fihnung ah nan rel hna lai.

LEVITIKAS 11:11 ပူးပေါင်းရင်းမြစ်များ

GENESIS 7:2

Saram thiang pawl kha cu tuah sarih cio in i luhpi hna (saram thiang timi cu ei khawhmi pawl tinak a si), asinain a thianglo pawl kha cu a nu pakhat le a pa pakhat lawngin i luhpi hna.

GENESIS 7:3

Cun va zong kha tuah sarih cio in i luhpi hna. Cu ti na tuah cu saram hna le va hna kha, vawlei cungah hin an ci lo hlah seh tinak caah a si lai.

LEVITIKAS 11:10

Sihmanhsehlaw rili chungah siseh, tiva chungah siseh, a ummi, ṭeh le phokphawher a ngei lomi, ti chungah a lawn in a lawnmi thil le ti chung i a nungmi thil hna cu, nannih caah fihnung an si.

LEVITIKAS 11:12

Ti chungah a ummi thil zeipaoh ṭeh le phokphawher a ngei lomi cu nan caah fihnung a si.

LEVITIKAS 11:13

“Cun, va hna lakah mah hna hi fihnung ah nan rel awk an si lai, nan ei hna lai lo, fihnung an si: muvanlai, tettet, mu-ar-cawi,

LEVITIKAS 11:2

“Israel mi hna sinah va chim tuah u, vawlei cung i a ummi saram vialte lakah mah hna hi a nungmi thil nan ei awk cu an si lai.

LEVITIKAS 5:2

Cun, ahohmanh nih a thiang lomi thil, a thiang lomi saram ruak siseh, a thiang lomi saṭil ruak siseh, a thiang lomi a lawnmi ruak siseh a tongh i amah nih a hngalh lo i aa buar ahcun, amah nih a hun hngalh cangka in a mawh lai.

DEUTERONOMI 14:4

Mah hi hna hi nan ei awk saram cu an si lai: cawtum, tuu, meheh,