LEVITIKAS 10:2 - Lai (Hakha) Common Language Bible 2006

² Cun Bawipa hmaika in mei a hung chuak i a kangh hna i Bawipa hmaika ah cun an thi.

LEVITIKAS 10:2 ပူးပေါင်းရင်းမြစ်များ

2 SAMUEL 6:7

Cun Bawipa thinhunnak cu Uzzah cungah a alh i a kut in kuang kha a hei banh caah Pathian nih khika ah a tuk i cuka ah Pathian kuang kiangah khan a thi.

1 SIANGPAHRANG 13:28

Cun a va kal i a ruak cu lam i a rak rilh ko i laa le chiandeih kha a ruak pawng i an rak dir ko kha a hmuh. Chiandeih nih khan a ruak cu a rak ei lo, laa zong kha a thlek bauh lo.

1 SIANGPAHRANG 18:38

Cun Bawipa mei cu a rung tla ciammam i khangh thawinak le a thing le lung le leidip kha a kangh dih hirhiar hna i kahcham chung i a ummi ti kha a liah dih.

2 SIANGPAHRANG 1:10

Sihmanhsehlaw sawm nga haotu cu Elijah nih a leh i, “Keimah cu Pathian mi ka si a si ahcun, vancung khin mei rung tla seh law nangmah le na sawm nga kha in kangh dih hna seh,” tiah a ti. Cun mei cu vancung in a rung tla i amah le a sawm nga hna cu a kangh hna.

2 SIANGPAHRANG 1:12

Sihmanhsehlaw Elijah nih a leh i, “Keimah cu Pathian mi ka si ahcun, vancung in mei rung tla seh law, nangmah le na sawm nga kha in kangh hna seh,” tiah a ti. Khi tikah Pathian mei kha a rung tla i amah le a sawm nga kha a kangh hna.

1 CHANRELNAK 13:10

Cun Bawipa thinhunnak cu Uzza cungah cun a alh i kuang kha a hei banh caah a thah i cuka ah cun Pathian hmaiah a thi.

1 CHANRELNAK 15:13

A voi hmasa bik ah khan nannih nih nan put lo caah Bawipa kan Pathian nih kan cungah a thinhunnak a langhter; zeicahtiah kannih nih hitin tuah awk a si lai ti i fehter ciami ning khan kan rak zohkhenh lo,” tiah a ti hna.

1 CHANRELNAK 24:2

Sihmanhsehlaw Nadab le Abihud cu an pa hlanah an thi i fa an ngei lo cucaah Eleazar le Ithamar cu tlangbawi an cang.

JOB 1:16

Cun bia a chim lengmang lioah cun a dang pakhat a ra i, “Pathian mei cu van in a rung tla i tuu le sinum kha a kangh hna i a thah hna; keimah lawnglawng hi nangmah chimtu dingah ka luat,” tiah a ti.

SALM 50:3

Kan Pathian cu a ra lio, sihmanhsehlaw dai tein a rat cu a si lai lo, a alh hluahmahmi mei a hmaiah khan a um i ṭih a nungmi thlichia nih a zual.

EXODUS 24:1

Bawipa nih khan Moses cu a rak thawh i, “Tlang cungah khan Aaron le Nadab le Abihu le Israel mi hruaitu hna sawm sarih he khan nan ra lai i hla nawn in keimah biak ah nan kun lai.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

LEVITIKAS 10:5

Cucaah an ra chuak i Moses nih a chim bang khan riahhmun lengah an angkileng in an hnuh hna.

LEVITIKAS 16:1

Aaron fapa pahnih nih Bawipa hmai an va naih i an thih hnuah khan Bawipa nih Moses cu a chawnh i

LEVITIKAS 9:24

Cun Bawipa hmaika in mei a hung chuak i biakṭheng cung i khangh thawinak le thau cu a kangh hna; cun mi vialte nih khan an hmuh tikah an au i an bawk.

NAMBAR 14:37

ram kong thawng ṭhalo a run phormi hna cu, Bawipa hmaiah rai in an thi.

NAMBAR 16:35

Cun Bawipa sinin mei a chuak i zihmui a pechan liomi minung za hnih le sawm nga kha a kangh dih hna.

NAMBAR 16:49

Cun Korah kongah a thimi hleiah, rai in a thimi cu sang khat thong li le za sarih an si.

NAMBAR 26:61

Sihmanhsehlaw Nadab le Abihu cu Bawipa hmai i mei thianglo an pekchanh tikah khan an thi.

LAMKALTU 5:10

Chikkhatte ah a kehram ah khan a tlu i a thi. Tlangval hna cu an rung lut i a thih ve kha an hmuh i an chuahpi i a va kiangah khan an va vui.

LAMKALTU 5:5

Cu bia cu Ananias nih a theih tikah aa teng bak ko i cu thawng a theimi paoh cu ṭihnak in an khat dih.

1 KORIN 10:11

Hi vialte an cung i a tlungmi hi midang nih i zohchunh awk caah a si i kan i ralrinnak ding caah ṭial an si. Zeicahtiah kannih kan caan hi donghnak a phak dengmangnak caan a si.

1 SAMUEL 6:19

Cun Bawipa kuang chung kha Beth-shemesh khuami nih an bih caah tlawmpal a thah hna; annih kha mi sawm sarih a thah hna i, Bawipa nih annih kha tampi a thah hna caah an ṭap.