LEVITIKAS 10:16 - Lai (Hakha) Common Language Bible 2006

¹⁶ Cun Moses nih sual thawinak meheh kong kha fel tein a hlat i zohhmanh, an rak khangh diam cang ai! Cun Aaron fapa a taangmi hna Eleazar le Ithamar cungah a thin a hung i,

LEVITIKAS 10:16 ပူးပေါင်းရင်းမြစ်များ

EZRA 7:5

Bukki cu Abishua fapa a si, Abishua cu Finehas fapa a si, Finehas cu Eleazar fapa a si, Eleazar cu tlangbawi bik Aaron fapa a si —

LEVITIKAS 6:17

Thilnu he reu a si lai lo. Mei in keimah sin i thawinak hna chungin anmah vo ah ka pek cang hna; a thiang bikmi thil a si ve, sual thawinak le phungbuar thawinak bantuk khan.

LEVITIKAS 6:26

Sualnak caah a pechantu tlangbawi nih cun a ei lai; hmun thiang pakhat ah ei a si lai, tonnak thlam tual chungah cun.

LEVITIKAS 6:30

Sihmanhsehlaw hmunthiang chungah remnak tuahnak ca i tonnak thlam chungah rak putmi thi an laknak sual thawinak cu, ei a si lai lo; mei in khangh a si lai.

LEVITIKAS 9:15

Cun mizapi thawinak cu a pek; sual thawinak meheh, mizapi ca i a simi cu, a lak i a thah i sualnak caah a thawi, sual thawinak hmasa bik bang khan a tuah.

LEVITIKAS 9:3

Cun Israel mi hna sinah, ‘Sual thawinak caah meheh tum pakhat le, khangh thawinak caah cawfa pakhat le tuufa pakhat, kum khat veve a si i dotla veve a simi le,

NAMBAR 12:3

Moses cu vawleicung mi vialte lakah lungnem bik a si.

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

MARKA 10:14

Cucu Jesuh nih a hmuh tikah a thin a hung i a zultu hna cu, “Ngakchia cu ka sinah ratter ko hna u. Pathian Pennak cu hi bantuk mi hna ta hi a si caah, annih cu kham hna hlah u.

MARKA 3:5

Cu tlukin an lung a hah le an palh kha a hmuh hna tikah a thin a hung a ngaih a chia i mipa cu a thawh i, “Na kut kha samh,” a ti. A samh i a dam ai!

EFESA 4:26

Na thin a hun ahcun na thinhunnak kha sualnak chung i an luhpitu siter hlah; cun na thinhunnak cu ni tlakter hlah.