LEVITIKAS 10:14 - Lai (Hakha) Common Language Bible 2006

¹⁴ Sihmanhsehlaw hninhmi ii le thawimi phei cu, nangmah le na fapa hna le na fanu hna le tiah, a thiangmi hmun paoh ah nan ei lai. Zeicaahtiah Israel mi hna pekchanhmi daihnak thawinak chungin, mah hna cu nangmah le na fapa hna vo ah pek nan si.

LEVITIKAS 10:14 ပူးပေါင်းရင်းမြစ်များ

EXODUS 29:33

Thleidan an si lio le thianter an si lio caan i sual ngaihthiamnak caah hmanmi thil kha anmah nih cun an ei lai. Cu rawl cu rawl thiang a si caah tlangbawi lawnglawng nih khan an ei lai.

EZEKIEL 42:13

Cun a ka thawh i, “Tual hmai i a ummi chaklei khaan hna le thlanglei khaan hna kha khaan thiang an si caah cu khaan hna cu Bawipa hmaiah a chuakmi tlangbawi hna nih thawinak thiang bik an einak hna hmun an si lai, cuka khaan hna cu thil thiang bik thawinak — rawl thawinak, sual thawinak le phungbuar thawinak — chiahnak hmun thiang an si lai.

LEVITIKAS 10:13

Bawipa sinah mei in pekmi thawinak hna chungin nangmah le na fapa hna vo a simi kha, nawlpek nan si bangin hmunthiang ah nan ei lai.

LEVITIKAS 22:13

Sihmanhsehlaw tlangbawi fanu cu nuhmei maw, makmi maw a si i fa a ngeih lo i a ngaknut lio bantukin a pa inn ah a kir ṭhan ahcun, a pa rawl cu a ei ve ko lai; sihmanhsehlaw a lengmi nih cun ahohmanh nih an ei lai lo.

LEVITIKAS 9:21

sihmanhsehlaw an ii le a orhlei phei cu Bawipa hmai i hninh thawinak caah Aaron nih a hninh hna, Moses nawlpek bangin.

NAMBAR 18:11

Mah zong hi na ta a si lai, an laksawng an pekchanhmi, Israel mi hna hninh thawinak vialte cu; mah hna hi nangmah le na fapa hna le na fanu hna sinah nan hmuh camcin awkah kan pek cang hna; na inn chung i a thiangmi paoh nih an ei khawh lai.

NAMBAR 5:9

Cun pekchanhmi thil vialte, Israel mi hna thil thiang vialte, tlangbawi sin i an rak putmi hna cu, amah ta an si lai;

JOHAN 4:34

Jesuh nih cun a thawh hna i, “Ka rawl cu a ka thlahtu duhnak zulh le a ka fialmi rian liim kha a si.