LEVITIKAS 1:4 - Lai (Hakha) Common Language Bible 2006

⁴ amah nih khangh thawinak sa a lu cungah cun a kut a chiah lai i amah caah remnak tuahnak caah cohlanpiak a si lai.

LEVITIKAS 1:4 ပူးပေါင်းရင်းမြစ်များ

EXODUS 28:38

Aaron nih khan cucu a cal ah a chiah lai i Israel mi nih Bawipa an pekchanhmi thawinak ah khan ṭhat lonak a um sual ahcun, cuticun cu ṭhat lonak cu ngaihthiam a si lai. Cucu Aaron nih khan a cal ah aa ponh zungzal awk a si lai, zeicahtiah cu ti a tuahnak thawng cun Bawipa nih an pekchanhmi kha a cohlanpiak hna lai.

EXODUS 29:10

“Cawtum kha pumhnak thlam hmaiah khan na ratpi lai i Aaron le a fapa hna nih khan a lu cungah an kut an chuan lai.

EXODUS 29:15

“Tuukawng pakhat kha na lak lai i Aaron le a fapa hna nih khan a lu cungah an kut an chuan lai.

EXODUS 29:19

“Cun tuukawng a dang pakhat kha na lak lai i Aaron le a fapa hna nih khan a lu cungah an kut an chuan lai.

EXODUS 29:33

Thleidan an si lio le thianter an si lio caan i sual ngaihthiamnak caah hmanmi thil kha anmah nih cun an ei lai. Cu rawl cu rawl thiang a si caah tlangbawi lawnglawng nih khan an ei lai.

ISAIAH 56:7

“Ka tlang thiang Zion ah kan kalpi hna lai. Thlacamnak inn ka inn ah khan lawmhnak kan pek hna lai i biakṭheng cung i nan ka pekchanhmi raithawinak kha ka cohlan hna lai. Ka Biakinn cu miphun vialte caah thlacamnak inn ti a si lai,” a ti.

EZEKIEL 45:15

cun Israel phun chung mi paohpaoh nih tuu za hnih run chungin pakhat lengmang a dang tein a chiah lai. Rawl thawinak ca le khangh thawinak ca le daihnak thawinak caah hi thil hna cu

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

LEVITIKAS 16:21

Aaron nih a kut pahnih in meheh nung lu ah cun a chuan lai i Israel mi ṭhat lonak vialte, an phungbuarnak vialte le an sualnak vialte cu a cungah cun a phuan lai i meheh lu cungah cun a chiah hna lai, mi pakhat timhcia in a ummi nih khan ramlak ah a kalpi lai.

LEVITIKAS 16:24

hmunthiang ah a pum cu ti in aa kholh lai i a thilpuan cu a aih hna lai i a ra chuak lai i amah ca khangh thawinak le zapi ca khangh thawinak kha a thawi lai i amah ca le zapi caah remnak a ser lai.

LEVITIKAS 22:21

Cun ahohmanh nih, daihnak pekchanhmi thil thawinak Bawipa sinah a pekchanh tikah, biakamnak tlinternak ca i a si ah siseh, mah lungthote i pekchanhnak ca i a si ah siseh, cawrun chungin a si ah, tuurun chungin a si ah, cohlan awk dingah cun a tlingmi a si lai; a cungah dotlak lonak zeihmanh a um lai lo.

LEVITIKAS 22:27

“Cawtum siseh, tuu siseh, meheh siseh, a chuah tikah a pi sinah ni sarih a um lai; cun a ni riat ni thawk cun Bawipa sin i mei in pekchanh awk caah cohlan a si lai.

LEVITIKAS 3:13

A lu cungah a kut a chuan lai i tonnak thlam hmaiah a thah lai; cun Aaron fapa hna nih a thi cu biakṭheng a velchum ah khan an theh lai.

LEVITIKAS 3:2

Cun a pekchanhmi lu cungah a kut a chuan lai i tonnak thlam innka ah a thah lai i Aaron fapa hna, tlangbawi hna nih khan, a thi cun biakṭheng kha a velchum in an theh lai.

LEVITIKAS 3:8

A laksawng lu cungah cun a kut a chuan lai i tonnak thlam hmaiah a thah lai; cun Aaron fapa hna nih a thi cu biakṭheng a velchum ah khan an theh lai.

LEVITIKAS 4:15

Cun an bu chung upa hna nih cawtum lu ah cun Bawipa hmaika ah an kut an chuan lai i cawtum cu Bawipa hmaika ah an thah lai.

LEVITIKAS 4:20

Cu bantukin cawtum cu a tuah lai; sual thawinak cawtum a tuah bantuk khan, mah hi zong cu a tuah ve lai; cun tlangbawi nih cun annih caah remnak a ser lai i annih cu ngaihthiam an si lai.

LEVITIKAS 4:24

Amah nih meheh lu cungah cun a kut a chuan lai i Bawipa hmai i khangh thawinak an thahnak hmun ah khan a thah lai; mah hihi sual thawinak a si.

LEVITIKAS 4:26

Cun a thau vialte cu biakṭheng ah a khangh hna lai, daihnak thawinak pekchanhnak sathau bantuk khan; cu bantuk cun tlangbawi nih a sualnak caah cun remnak a tuahpiak lai i ngaihthiam a si lai.

LEVITIKAS 4:29

Cun sual thawinak lu cungah cun a kut a chuan lai i sual thawinak cu khangh thawinak hmun ah khan a thah lai.

LEVITIKAS 4:31

Cun a thau vialte cu daihnak thawinak chungin a thau lak a si bang khan a lak dih lai i tlangbawi nih biakṭheng cungah Bawipa ca i rimthaw ah a khangh lai; cun tlangbawi nih a caah remnak a tuahpiak lai i ngaihthiam a si lai.

LEVITIKAS 4:33

sual thawinak lu cungah cun a kut a chuan lai i sual thawinak caah khangh thawinak an thahnak hmun ah khan a thah lai.

LEVITIKAS 4:35

Cun a thau vialte cu daihnak thawinak ca i pekchanhmi tuufa chungin a thau lak a si bantuk khan a lak lai i, tlangbawi nih biakṭheng cungah, Bawipa sinah mei in pekchanhmi hna cungah khan, a khangh lai. Cun tlangbawi nih sualnak a tuahmi caah khan remnak a serpiak lai i ngaihthiam a si lai.”

LEVITIKAS 4:4

Cawtum cu tonnak thlam innka ah Bawipa hmaiah cun a rak put lai i cawtum lu cungah cun a kut a chuan lai i Bawipa hmaiah cun cawtum cu a thah lai.

LEVITIKAS 5:6

sualnak a tuahmi caah khan Bawipa sinah sual thawinak a rak put lai, tuurun chungin a nu, tuufa siseh meheh siseh, sual thawinak caah a si lai; cun tlangbawi nih a sualnak caah remnak a serpiak lai.

LEVITIKAS 6:7

cun tlangbawi nih cun Bawipa hmaiah remnak a serpiak lai i, a mawhnak thil a tuahmi paohpaoh kong ah ngaihthiam a si lai.”

LEVITIKAS 8:14

Cun sual thawinak cawtum cu a rak put i Aaron le a fapa hna nih sual thawinak cawtum lu cungah cun an kut an chuan.

LEVITIKAS 8:18

Cun khangh thawinak tuukawng kha a hun pek; Aaron le a fapa hna nih tuukawng lu cungah cun an kut an chuan.

LEVITIKAS 8:22

Cun a dang tuukawng pakhat, thleidannak tuukawng cu, a pek; cun Aaron le a fapa hna nih tuukawng lu cungah an kut an chuan.

LEVITIKAS 9:7

Cun Moses nih Aaron sinah, “Biakṭheng cu hei naih law, na sual thawinak le na khangh thawinak cu thawi hna, cun nangmah le mi hna caah remnak ser tuah; cun mi hna thawinak cu rak pu law, an caah remnak ser tuah, Bawipa nawl peknak bang khan,” tiah a ti.

NAMBAR 15:25

Palhnak a si ca i Bawipa sinah mei in thawinak le Bawipa hmaiah an sual thawinak, an palhnak caah an rak put cang caah, tlangbawi nih Israel mibu ningpi caah cun remnak a ser lai i ngaihthiam an si lai.

NAMBAR 15:28

Cun tlangbawi nih, palhnak a tuahmi caah khan Bawipa hmaiah remnak a ser lai; cu pa nih hngalh loin a sual tikah remnak a serpiak lai i ngaihthiam a si lai.

NAMBAR 25:13

mah cucu amah ca le a hnu i a tefa hna caah dong lo tlangbawi sinak biakamnak a si lai, zeicahtiah a Pathian kha a ṭanh i Israel mi caah remnak a ser,’ tiah va chim tuah,” tiah a ti.

NAMBAR 8:10

Levi mi cu Bawipa hmaika ah na chuahpi hna tikah, Israel mi nih Levi mi hna cungah an kut an chuan lai,

NAMBAR 8:12

Cun Levi mi hna nih cun cawtum hna lu cungah cun an kut an chuan lai; Levi mi hna ca i remnak sernak ah, pakhat cu sual thawinak caah, pakhat cu khangh thawinak caah, Bawipa sinah na pekchanh lai.

ROM 12:1

Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.

ROM 3:25

Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remnak a tuah cu a dinnak kha langhter a duh caah a si. Cu a langhterning cu hitihin a si: hlan lioah cun a lung a sau caah mi nih an tuahmi sualnak kha i hmuhter duh loin a um;

ROM 5:11

Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

FILIPI 4:18

Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si — kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.

HEBRU 10:4

Zeitintiah cawtum thi le meheh thi nih cun sualnak kha a hlo kho taktak bal lo.

1JOHAN 2:2

Cun kan sualnak ngaihthiam kan sinak cu Khrih thawng cun a si i kanmah sualnak lawng si loin mi vialte zong an sualnak kha ngaihthiam an si lai.