LEVITIKAS 1:17 - Lai (Hakha) Common Language Bible 2006

¹⁷ a thlaki a thlongh hna lai, sihmanhsehlaw a pum cu a cheu lai lo. Cun tlangbawi nih biakṭheng cungah cun, mei cung thing cungah cun a khangh lai; mah cucu khangh thawinak, mei in thawinak, Bawipa caah rimthaw cu a si.

LEVITIKAS 1:17 ပူးပေါင်းရင်းမြစ်များ

GENESIS 15:10

Hi saram vialte hi Abram nih Pathian sinah khan a rak put hna. A cheu hna i a cheumi hna cu hmaitonh cio ah tlang hnih in a chiah hna; va kha cu a can hna lo.

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

SALM 16:10

Cu ti ka si cu Mithi khua ah khan na ka kaltak lai lo le na dawtmi cu Khor Thuk chungah na ka chiahtak lai lo caah a si.

LEVITIKAS 1:13

sihmanhsehlaw a chungril le a ke hna cu ti in a ṭawl hna lai. Cun tlangbawi nih a dihlak te cun a pek lai i biakṭheng cungah a khangh lai; khangh thawinak, mei in thawinak, Bawipa caah rimthaw a si lai.

LEVITIKAS 2:2

Aaron fapa hna tlangbawi hna sinah khan a rak put lai. Cun cu chung cun changvut dipmi le chiti cu a frankinsen vialte he pei khat in a lak lai; cun tlangbawi nih cun mah hi cu hngalh camcinnak caah biakṭheng cungah a khangh lai; mei in thawinak, Bawipa caah rimthaw a si lai.

LEVITIKAS 3:5

Cun Aaron fapa hna nih biakṭheng cungah mei cung i thing cung i khangh thawinak sa cungah cun an khangh lai; mei in thawinak, Bawipa caah rimthaw a si.

LEVITIKAS 5:8

Tlangbawi sinah a rak put hna lai i tlangbawi nih cun sual thawinak ding ca cu a thawi hmasa lai; a hngawng cu a merh lai, sihmanhsehlaw a lu cu a chat lai lo i

LEVITIKAS 6:14

“Cun mah hihi changvut thawinak phunglam a si. Aaron fapa hna nih Bawipa hmaika ah biakṭheng hmaiah an pekchanh lai.

LEVITIKAS 8:21

Cun a chungril le a ke hna cu ti in a ṭawl hna i Moses nih tuukawng cu a pum in biakṭheng cungah khangh thawinak caah, rimthaw Bawipa sin i mei in thawinak caah, a khangh, Bawipa nih Moses nawl a pek bang khan.

LEVITIKAS 9:13

Cun khangh thawinak sa cu a zamzam in a lu he an hun pek i biakṭheng cungah a khangh hna.

NAMBAR 15:3

Bawipa sinah tuurun in siseh, cawrun in siseh, mei in pekchanhnak maw, khangh pekchanhnak maw, raithawinak maw, biakamnak tlinternak maw, mah lungtho tein pekchanhnak caah maw, a caan khiahmi nan puai hna ah maw, Bawipa sinah rimthaw nan ser tikah,

NAMBAR 28:8

Tuufa dang pakhat cu zanlei ah na thawi lai; zinglei i changvut thawinak le a thlet thawinak bang khan, mei in thawinak Bawipa sin i rimthaw bantuk khan na thawi lai.

MATTHAI 27:50

Jesuh cu fak piin a au ṭhan i a cat colh.

JOHAN 19:30

Jesuh nih mitsur zu thor cu a vun dawp i, “Aa lim cang,” tiah a ti. Cun a lu a khun i a thi.

ROM 4:25

Amah cu kan sual ruangah thihnak phakter a si i Pathian he kan i remnak hnga dingah nunnak ah thawhter a si.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i