LEVITIKAS 1:13 - Lai (Hakha) Common Language Bible 2006

¹³ sihmanhsehlaw a chungril le a ke hna cu ti in a ṭawl hna lai. Cun tlangbawi nih a dihlak te cun a pek lai i biakṭheng cungah a khangh lai; khangh thawinak, mei in thawinak, Bawipa caah rimthaw a si lai.

LEVITIKAS 1:13 ပူးပေါင်းရင်းမြစ်များ

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

2 CHANRELNAK 4:6

Kut ṭawlnak kheng pahra a ser fawn hna, panga cu thlanglei kamah a chiah hna i panga cu chaklei kamah a chiah hna. Hi hna chungah hin khangh thawinak ca a simi thil kha an tlengh hna i hmaihum cu tlangbawi hna an i ṭawlnak ding caah a si.

EZEKIEL 40:38

Kutka innleng in vung luhnak ah khin khaan pakhat a um i cu khaan ah cun pumpek thawinak kha an ṭawl hna.

LEVITIKAS 1:9

sihmanhsehlaw a chungril hna le a ke hna cu ti in an ṭawl hna lai. Cun tlangbawi nih a dihlak in khangh thawinak caah biakṭheng cungah a khangh lai; mei in thawinak, Bawipa caah rimthaw a si lai.

LEVITIKAS 2:11

“Bawipa sinah nan rak putmi changvut thawinak paohpaoh cu thilnu telh in sermi a si lai lo; zeitintiah thilnu siseh khuaihliti siseh Bawipa sinah mei in thawinak caah nan khang lai lo.

LEVITIKAS 2:2

Aaron fapa hna tlangbawi hna sinah khan a rak put lai. Cun cu chung cun changvut dipmi le chiti cu a frankinsen vialte he pei khat in a lak lai; cun tlangbawi nih cun mah hi cu hngalh camcinnak caah biakṭheng cungah a khangh lai; mei in thawinak, Bawipa caah rimthaw a si lai.

LEVITIKAS 3:5

Cun Aaron fapa hna nih biakṭheng cungah mei cung i thing cung i khangh thawinak sa cungah cun an khangh lai; mei in thawinak, Bawipa caah rimthaw a si.

LEVITIKAS 4:31

Cun a thau vialte cu daihnak thawinak chungin a thau lak a si bang khan a lak dih lai i tlangbawi nih biakṭheng cungah Bawipa ca i rimthaw ah a khangh lai; cun tlangbawi nih a caah remnak a tuahpiak lai i ngaihthiam a si lai.

LEVITIKAS 6:14

“Cun mah hihi changvut thawinak phunglam a si. Aaron fapa hna nih Bawipa hmaika ah biakṭheng hmaiah an pekchanh lai.

LEVITIKAS 8:21

Cun a chungril le a ke hna cu ti in a ṭawl hna i Moses nih tuukawng cu a pum in biakṭheng cungah khangh thawinak caah, rimthaw Bawipa sin i mei in thawinak caah, a khangh, Bawipa nih Moses nawl a pek bang khan.

NAMBAR 15:3

Bawipa sinah tuurun in siseh, cawrun in siseh, mei in pekchanhnak maw, khangh pekchanhnak maw, raithawinak maw, biakamnak tlinternak maw, mah lungtho tein pekchanhnak caah maw, a caan khiahmi nan puai hna ah maw, Bawipa sinah rimthaw nan ser tikah,

NAMBAR 15:4

cu tikah Bawipa sinah a pekchanhnak a petu paoh nih changvut pekchanhnak i changvut dip ephah cheu hra cheu khat, chiti hin cheu li cheu khat he cawhmi kha a pek lai;

NAMBAR 28:11

“Cun nan thla a det tik paoh ah Bawipa sinah khangh thawinak nan pekchanh lai: cawtum no pahnih, tuukawng pakhat, kum khat a timi tuufa dotla a pa pasarih:

NAMBAR 28:8

Tuufa dang pakhat cu zanlei ah na thawi lai; zinglei i changvut thawinak le a thlet thawinak bang khan, mei in thawinak Bawipa sin i rimthaw bantuk khan na thawi lai.

DEUTERONOMI 12:27

cun nan khangh thawinak hna, sa le thi cu, Bawipa nan Pathian biakṭheng cungah nan pekchanh hna lai; Bawipa nan Pathian biakṭheng cungah nan raithawinak hna thi cu nan thlet lai, sihmanhsehlaw a sa cu nan ei lai.