LEVITIKAS 1:1 - Lai (Hakha) Common Language Bible 2006

¹ Bawipa nih Moses cu a kawh i tonnak thlam chungin a chawnh i hi bangin a ti:

LEVITIKAS 1:1 ပူးပေါင်းရင်းမြစ်များ

2 SIANGPAHRANG 16:13

biakṭheng cungah cun a khangh thawinak le changvut thawinak kha a khangh hna i a thlet thawinak kha a bungh i a daihnak thawinak thi kha biakṭheng cungah cun a theh.

2 CHANRELNAK 29:32

Aa pummi nih khangh thawinak an rak putmi cu cawtum sawm sarih, tuukawng za khat le tuufa za hnih an si; mah vialte hi Bawipa sin i khangh thawinak caah a si.

EXODUS 19:3

Moses cu tlang cungah khan Pathian ton awkah a hung kal. Tlang cung cun Bawipa nih khan a vun auh i,

EXODUS 24:12

Bawipa nih Moses cu a thawh i, “Ka sinah tlang cungah hung kai law hung um. Ka mi hna cawnpiaknak caah ka timi ka nawlbia le ka phunglam ka ṭialnak lungtlap hna kha kan pek lai,” a ti.

EXODUS 25:22

Cuka ah cun kan ton lai; Israel mi hna caah ka timi ka nawlbia vialte cu kuang chin cung le biakamnak kuang cung i a ummi cherubim pahnih hna karlak cun kan pek tawn lai.

EXODUS 29:42

Hi khangh thawinak hi a zungzal in, nan tefa hna chan vialte tiangin pumhnak thlam innka ah, Bawipa ka hmaika ah, nan tuah zungzal awk a si lai. Hika hmun hi ka mi ka ton hnanak hmun le nan sinah bia ka chimnak hmun a si lai.

EXODUS 3:4

Bawipa nih a rat kha a hmuh tikah, burbuk chung cun Pathian nih cun a hun auh i, “Moses, Moses” tiah a ti i, “Zeidah?” tiah Moses nih cun a leh.

EXODUS 33:7

Moses nih khan thlam cu aa kalpi tawn i riahhmun lengah khan lamhla nawn ah khin a chiah tawn. A min ah “Tonnak Thlam” a ti. Bawipa chawnh a duhmi paoh kha tonnak thlam ah cun an va kal tawn.

EXODUS 39:32

Cuticun pumhnak thlam rian vialte cu lim an si. Bawipa nih Moses a chimh bantukte khan Israel mi nih cun an tuah.

EXODUS 40:29

Pumhnak thlam innka ah khan khangh thawinak biakṭheng kha a chiah. Bawipa nih a chimh bantukin cu cungah cun khangh thawinak kha a thawi i ei awk thawinak kha a khangh hna.

LEVITIKAS 7:38

Israel mi kha Bawipa sinah nan thawinak kha rak pu tuah hna u tiah Sinai ramlak i nawl a pek hna ni i Bawipa nih Moses kha Sinai Tlang i nawl a pekmi cu a si.

LEVITIKAS 9:16

Cun khangh thawinak kha a pek i a phunglam ning in a thawi.

NAMBAR 1:1

Bawipa nih Moses cu Sinai ramlak ah, tonnak thlam chungah cun, Izipt ram in an chuah hnu kum hnihnak kum thla hnihnak thla ni khatnak ni ah cun, a chawnh i hitin a ti:

NAMBAR 7:15

khangh thawinak ca i cawtum no pakhat, tuukawng pakhat, tuufa a pa kum khat a timi pakhat;

NAMBAR 7:89

Cun Moses nih tonnak thlam chungah Bawipa he i chawnh awk i a luh tikah khan biahngalhternak kuang cung i a ummi velngeihnak ṭhutdan cung khan, cherubim pahnih hna karlak khan amah a run chawntu aw cu a theih i cuticun amah cu a run chawnh.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

DEUTERONOMI 27:6

Bawipa nan Pathian caah remh lomi lung in biakṭheng pakhat nan ser lai i a cungah Bawipa nan Pathian sinah khangh thawinak nan pekchanh lai;