LAMKALTU 9:40 - Lai (Hakha) Common Language Bible 2006

⁴⁰ Peter nih an dihlak in a chuahter hna i a khuk aa bil i thla a cam; cun miruak leiah khan a hei i mer i, “Tabitha, tho tuah,” tiah a ti. A mit kha a hun au i Peter kha a hmuh tikah a hung ṭhu.

Laibaibal Thiang (BSI)

⁴⁰ Peter nih an dihlak in a chuahter hna i thla a cam. Ruak lei cu a zoh i, “Tabitha, tho tuah,” tiah a ti. A mit a hun au i Peter kha a hmuh i a ṭhu cawlh.

LAMKALTU 9:40 ပူးပေါင်းရင်းမြစ်များ

2 SIANGPAHRANG 20:11

Cun profet Isaiah nih Bawipa cu a auh i Ahaz ni tahnak ah a liam cangmi thladem kha kar hra a hnuh ṭhan.

MATTHAI 6:6

Sihmanhsehlaw nannih cu thla nan cam tikah, nan inn khaan chungah va lut u law, innka vaa khar khumh u law, cuticun hmuh khawh lomi nan Pa sinah khan va cam u. Cun a thli tein nan tuahmi a hmutu nan Pa nih khan laksawng an pek hna lai.

MATTHAI 9:25

Mi kha an chuah dih cangka in Jesuh cu ngakchianu khaan chungah khan a vung lut i a kut in a vun tlaih i a tho.

MARKA 9:25

Jesuh nih cun zapi nih an naih chin lengmang hna kha a hmuh tikah, thlarau ṭhalo cu, “A hna zong a chet i a holh zong a holh kho lomi thlarau, ngakchiapa chung khan chuak law a luh zong lut ṭhan ti hlah, kan ti,” tiah a ti.

LUKA 22:41

Cun an sin khan lungchep tluk a va kal i a khuk aa bil i thla a cam.

LUKA 8:54

Sihmanhsehlaw Jesuh nih a kut khan a vun tlaih i, “Tho tuah, ka fanu,” tiah a vun auh.

LAMKALTU 20:36

Paul nih bia a chim dih in an dihlak in an khuk an i bil i thla a cam.

LAMKALTU 21:5

Sihmanhsehlaw anmah sin kan camnak caan cu a dongh tikah kan i thawh i kan kal ṭhan. An dihlak in, an nupile le an fale hna he khua leng tiang an kan thlah. Rilikam ah cun kan dihlak in kan khuk kan i bil i thla kan cam.

LAMKALTU 28:8

Publius pa cu raifanh le thisen chungtlik in a zaw i a ril ko; Paul nih khan a khaan chungah khan a vung luhhnawh i thla a campiak i a cungah a kut a chuan i a damter.

LAMKALTU 7:60

A khuk aa bil i fak piin a au i “Bawipa, hi sualnak hi an cungah khing hlah,” tiah a ti i a thi colh. Cun Steven an nawn kha Saul zong cu a hna a tla ve.