LAMKALTU 9:36 - Lai (Hakha) Common Language Bible 2006

³⁶ Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

Laibaibal Thiang (BSI)

³⁶ Joppa khua ah zultu pakhat a min Tabitha a um, cucu Dorkhas ti a si, a sullam cu sazuk tinâk a si. Cu nu cu ṭhatnâk tuah le misifak bomhnâk lei ah nun siang ngaimi a si.

LAMKALTU 9:36 ပူးပေါင်းရင်းမြစ်များ

2 CHANRELNAK 2:16

cun kannih nih na herhmi thing paoh cu Lebanon in kan rak in haupiak lai i rili in Joppa khua ah pum in kan ratpi lai i nang nih Jerusalem khua ah na hun kalpi hna lai,” a ti.

EZRA 3:7

Cucaah lung lei zungthiam hna le lehtama hna kha phaisa an pek hna i, Persia siangpahrang Sairas nih a onh hna ningin, sidar thing kha Lebanon tlang in rili ah, Joppa khua ah, ratpi awkah, Sidon mi le Tair mi hna cu rawl le din awk le chiti kha an pek hna.

PHUNGTHLÛKBIA 5:19

Amah cu sazuk duhnung ngai le aa dawhmi sakhi bantuk a si; a hnuk nih cun zeitik paoh ah na lung in riamhter seh law a dawtnak nih cun in lawmhter zungzal ko seh.

SOLOMON HLA 2:9

Ka tum lung duhte nih saza le neng note ko khi lo ai, Cuan cio u law pang leng dir hrat in, Thlalang awng le thing kharvar lakin Inn chung run bih ai.

SOLOMON HLA 3:5

Maw Jerusalem leng rual hna, Ram hlum sazuk le maw saza min cem chih in chiat an ser bang. Ka dawtte cu tho law i hlau ko tiin, Ṭhangh lai ka senh hna lo cu.

SOLOMON HLA 8:14

Ka dawtte aw ra lang cang tuah law, Rimhmui tlang i sazuk le maw saza nochuan bang, Ra lang ko sawh law.

JONAH 1:3

Sihmanhsehlaw Jonah cu Bawipa sinin zam awkah khan Tarshish khua lei tu i kal awkah aa thawh. Joppa khua ah khan a va kal i khika ah Tarshish khua lei i a kal dingmi lawng pakhat kha a hmuh. A kalnak ding man kha a pek dih in lawng kha aa cit i Bawipa nih a phak khawh lonak Tarshish khua ah khan, cu lawng cun ka kal lai, tiah a ruah.

MATTHAI 25:17

Cu bantuk ṭhiamṭhiam in thong hnih a hmu mipa zong nih khan a dang thong hnih a miak a hmuh ve.

JOHAN 15:5

Mitsur ruang cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun, amah cu thei tampi a tlai khomi cu a si; zeicahtiah keimah loin nan tuah khawhmi zeihmanh a um lo.

JOHAN 15:8

Nannih nih thei tampi nan tlai thawngin ka Pa sunparnak kha nan langhter i cuticun ka zultu i nan i canning cu a si.

LAMKALTU 10:23

Peter nih cun mi hna cu, inn chungah rung lut u, tiah a ti hna i cu zan cu khika ah cun an riak. A thaizing cu aa tim i an sinah khan a kal i Joppa khua i unau cheukhat zong kha an kal ve.

LAMKALTU 10:31

a ka thawh i, ‘Kornelias, Pathian nih na thlacamnak kha a theih i sifak na bawmhnak hna kha a philh lo.

LAMKALTU 10:8

Thil umtuning vialte kha a chimh hna i Joppa khua ah cun a thlah hna.

LAMKALTU 11:13

Amah nih cun a inn chungah vancungmi pakhat a rung dir i, ‘Joppa khua ah mi hei thlah hna law a min tling Simon Peter a simi mipa pakhat kha va au hna seh.

LAMKALTU 11:5

Aa thawh i, “Joppa khua ah khan thla ka cam i langhnak kha ka hmuh. Puan nganpi pakhat, a ki pali in van in an run thlakmi he aa lomi thil khi ka hmuh i ka pawngah khan a rung dir.

LAMKALTU 9:38

Joppa khua cu Lidda khua khan a hla tuk lo i zultu pawl nih khan Peter cu Lidda ah a um ti an theih tikah mi pahnih an hei thlah hna i, “Khulrang in kan sinah ra ta tuah,” tiah bia an cah.

LAMKALTU 9:42

Hi thawng nih cun Joppa khua kha a cul dih i mi tampi nih Bawipa kha an zumh.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

FILIPI 1:11

Jesuh Khrih lawng nih a kan pek khawhmi ziaza ṭha taktak in nan nunnak cu a khat lai i cucu Pathian sunparnak le thangṭhatnak caah a si lai.

KOLOSE 1:10

Cuticun Bawipa duhning in nan nung kho lai i amah duhnak kha nan tuah zungzal khawh lai. Thil ṭha tuahnak kip ah nan nunning cu zumh awk tlak a si lai i Pathian nan hngalhnak ah khan nan ṭhang lai.

1THESALON 4:10

Masidonia ram chung i a ummi nan unau hna cungah khan cu bantuk cun nan rak um. Cucaah cun u le nau hna, cu nak tam deuh in tuah rih awkah kan in nawl hna.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

TITAS 2:7

Cun nangmah hrimhrim zong, thil ṭha tuahnak lei paohpaoh ah, an i zohchun awk tlak na si lai. Na cawnpiak hna tikah lungtak te le biatak tein cawnpiak hna.

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

JOSHUA 19:46

le Mejarkon le Rakkon le Joppa changtu ram cu an i tel.