LAMKALTU 9:35 - Lai (Hakha) Common Language Bible 2006

³⁵ Amah cu Lidda le Sharon i a ummi vialte nih khan an hmuh i Bawipa leiah an i mer.

Laibaibal Thiang (BSI)

³⁵ Lidda le Saron khua i a ummi vialte nih amah kha an hmuh i Bawipa lei ah an i mer.

LAMKALTU 9:35 ပူးပေါင်းရင်းမြစ်များ

1 CHANRELNAK 27:29

Sharon i a tlongmi saṭil run a zohkhenhtu hna cu Sharon mi Shitrai a si; nelrawn i a tlongmi saṭil run zohkhenhtu hna cu Adlai fapa Shafat a si.

1 CHANRELNAK 5:16

annih cu Gilead le Bashan le a pawngkam khua vialte le Sharon ram chung i saṭil tlonnak hmun dihlak ah khan an ramri tiangin an um.

1 CHANRELNAK 8:12

Elpaal fapa hna: Eber le Misham, cun Ono le Lod an khua hna he a sertu Shemed

EZRA 2:33

Lod, Hadid le Ono hrinthlak hna cu za sarih kul le panga an si.

NEHEMIAH 11:35

Lod, Ono le Ge-harashim ah khan an um.

NEHEMIAH 7:37

Lod, Hadid le Ono tefa hna za sarih kul le pakhat.

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

SALM 22:27

Miphun vialte nih Bawipa cu an hngalh camcin lai, vawleicung khuazakip in amah leiah an i mer lai; miphun zakip nih an biak lai.

ISAIAH 31:6

Pathian nih, “Israel mi hna, fak piin ka thin nan ka hunter i nan ka doh. Sihmanhsehlaw atu cu ka sinah ra kir cang ko u.

ISAIAH 33:9

Ram cu a um sawhsawh ko i mi nih an chuahtak. Lebanon tlang tupi cu an car i Sharon nelrawn cu thetse ram bantuk a si, cun Bashan ram le Karmel Tlang thingkung hna cu an hnah a ṭil dih.

ISAIAH 35:2

Thetse ram cu hla a sa lai i lawmhnak in a au lai; Lebanon Tlang bantukin aa dawh lai i Karmel Tlang le Sharon nelrawn lo bantukin a ṭha lai. Mi kip nih Bawipa sunparnak le kan Pathian a lianhngannak le a ṭhawnnak kha an mit in an hmuh lai.

ISAIAH 65:10

Keimah cu an ka biak lai i nitlaklei ah Sharon Nelrawn ah an tuurun le an cawrun kha an tlonter hna lai i nichuahlei ah Harnak Nel timi ah khan an tlonter hna lai.

ISAIAH 66:8

Cu bantuk thil cu aho tal nih an hmu bal in an thei bal maw? Ni khat ah miphun phun khat cu chuah khawh a si bal maw? An phun ningin a chuah hlanah Zion cu saupi nganfah a in a hau lai lo.

ṬAHNAK HLA 3:40

Kannih nih kan lam kha zoh ṭhan hna u si law, hneksak hna u si law Bawipa sinah kir ṭhan u sih;

HOSEA 12:6

Cucaah atu cu Jakob tefa hna, nan Pathian cu i bochan u law amah sinah khan kir tuah u. Amah sinah khan zumhawktlak in um u law ding tein um ko u, Cun nan Pathian nih rian a ṭuan lai kha thinfual in hngak ko u.

HOSEA 14:2

Bawipa sinah cun kir law hihi na thlacamnak cu siter ko: “Kan sualnak vialte cu kan ngaithiam law kan thlacamnak cu kan cohlanpiak tuah, Cun kannih nih bia kan in kam cang bantukin kan in thangṭhat lai,” ti tuah.

JOEL 2:13

Nan puan si loin nan lung tu kha thlek tuah u,” tiah Bawipa nih a ti. Bawipa nan Pathian sinah cun ra kir ṭhan tuah u, Amah cu zaangfahnak le vel a ngeimi a si; Amah cu a thin a fual i a biakamnak kha a zulmi a si; Ka tlunter lai tiah a timi harnak kha leet i ngaihthiam awk tu ah aa tim zungzalmi a si.

LAMKALTU 11:21

Bawipa ṭhawnnak kha an sinah a um i mi tampi nih an zumh i Bawipa leiah khan an i mer.

LAMKALTU 15:19

“Cucaah kei ka ruahnak ah cun Pathian leiah a hun i mermi Jentail mi hna hi harnak kan pek hna awk a si lo.

LAMKALTU 19:10

Cuticun kum hnih chung a tuah i Asia ram chung i a ummi vialte nih, Judah mi si hna seh, Grik mi si hna seh, Bawipa bia kha an theih.

LAMKALTU 19:20

Cuticun Bawipa bia cu a karh chin lengmang i a ṭhang i a ṭhawng chin lengmang.

LAMKALTU 2:47

Pathian kha an thangṭhat i mi vialte nih an hmaizah hna. Cun khamh a si liomi hna cu Bawipa nih ni fate in an bu chungah khan a luhter lengmang hna.

LAMKALTU 4:4

Sihmanhsehlaw an chimmi a theimi mi tampi nih khan an zumh i an dihlak ah thong nga hrawng an hung si.

LAMKALTU 6:7

Cuticun Pathian bia cu a karh chin lengmang. Jerusalem khua chungah khan a zummi cu an tam chin lengmang i tlangbawi tampi zong nih cu zumhnak cu an pom ve.

LAMKALTU 9:34

Peter nih cun a thawh i, “Ainias, Jesuh Khrih nih an damter cang. Tho law na ihphah kha zual,” tiah a ti. Chikkhatte ah khin Ainias cu a tho.

LAMKALTU 9:42

Hi thawng nih cun Joppa khua kha a cul dih i mi tampi nih Bawipa kha an zumh.

2 KORIN 3:16

Sihmanhsehlaw Cathiang nih, “Moses cu Bawipa lei i a hun i mer ah khan puan cu aa hawk,” a ti bang khan cu puan cu aa hawk cang.

DEUTERONOMI 4:30

Harnak chungah nan um tik le hi thil vialte cu nan cungah ni hmanung bik ni ah a tlun tikah, Bawipa nan Pathian sinah cun nan kir ṭhan lai i a bia kha nan ngaih lai,