LAMKALTU 9:29 - Lai (Hakha) Common Language Bible 2006

²⁹ Grik holh in a holhmi Judah mi hna he zong khan bia an i ruah i a al zong an i al len, sihmanhsehlaw annih nih cun thah kha an timh.

Laibaibal Thiang (BSI)

²⁹ Bawipa Jesuh minin ralṭha ngai in bia a chim tawn, Grik Judah mi hna he fakpi in an i al tawn i annih nih thah an timh.

LAMKALTU 9:29 ပူးပေါင်းရင်းမြစ်များ

LAMKALTU 11:20

Sihmanhsehlaw zumtu a cheu, Saipras rammi le Sairin mi hna cu Antiok khua ah khan an kal i Jentail mi zong kha thawng cu an thanh hna i Bawipa Jesuh kong Thawngṭha kha an chimh hna.

LAMKALTU 17:17

Cucaah pumhnak inn ah khan Pathian a biami Judah mi hna le Grik mi hna he khan bia an i al lengmang i zapi tonnak hmun zongah khan khika i a rami paoh he ni fate an i al lengmang.

LAMKALTU 18:19

Efesa khua kha an phan i khika ah Paul nih khan Prisilla le Akuila kha a kaltak hna. Pumhnak inn chungah khan a lut i Judah mi kha bia a chimh hna.

LAMKALTU 19:8

Paul cu pumhnak inn chungah khan a lut i thla thum chung mizapi kha ralṭha ngaiin a chimh hna, annih kha heh tiah a al hna i Pathian Pennak kong i an lung a pem nakhnga aa zuam.

LAMKALTU 22:18

Cu langhnak ah cun Bawipa kha ka hmuh i a ka thawh i, ‘Khulrang tein Jerusalem khua hi chuahtak tuah, zeicahtiah hika i a ummi hna nih hin keimah kong i na chimmi bia hi an cohlang lai lo,’ a ka ti.

LAMKALTU 6:1

Cu hnu tlawmpal ah cun, zumtu kha an karh chin lengmang tikah, Grik holh a hmangmi Judah mi hna le Judah holh a hmangmi Judah mi hna karlak ah khan siknak a um. Grik holh a hmangmi Judah mi hna nih khan kannih kan nuhmei hna cu ni fate thil i phawtnak ah hrelh deuh an si tiah an zai.

LAMKALTU 9:27

Khi tikah Barnabas nih khan amah cu a bawmh i lamkaltu pawl sinah khan a kalpi. Zeitindah Saul nih lampi ah Bawipa a hmuhnak kong le Bawipa nih a sinah bia a chimnak kong tehna kha a chimh hna. Damaskas khua i Saul nih ralṭha ngaiin Jesuh min in phung a chimnak zong kha a chimh hna.

LAMKALTU 9:28

Cucaah Saul cu an sinah khan a um i Jerusalem khua kha a cul dih i Bawipa min in ralṭha ngaiin phung a chimh hna.

2 KORIN 11:26

Ka khualtlawnnak ah hin voi tampi tilian ṭihnung ka ton, mifir ṭihnung ka ton hna, ka phunhawi Judah mi hna sinin le Jentail mi hna sinin harnak ka hmuh, khuapi chungah khuapi chung ummi thil ṭihnung ka ton hna, ramlak ah ramlak i a ummi thil ṭihnung ka ton hna, rili cungah rili cung i a ummi thil ṭihnung ka ton hna i ka hawikom taktak a rak si lo, mi hlennak kha ka huah tawn.

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.

JUDAS 1:9

Vancungmi lak i upa bik Mikhael hmanh, cu bantuk cun a um lo. Moses ruak cu aho nih dah a co lai, ti i Khuachia he an i al lioah khan, Mikhael nih cun Khuachia kha serhsat in sual a phaw ngam lo. “Bawipa nih an sik,” ti tu in a ti.