LAMKALTU 9:22 - Lai (Hakha) Common Language Bible 2006

²² Sihmanhsehlaw Saul phungchimmi cu a ṭhawng chin lengmang i Jesuh cu Messiah a si tiah a chim khawhnak kha mi lung a fianter tuk caah Damaskas khua i a ummi Judah mi hna nih khan an let kho lo.

Laibaibal Thiang (BSI)

²² Saul cu a ṭhawng chin lengmang i Jesuh cu Krih a si zia fiang tein a chim tawn, Damaska khua i Judah mi hna cu holhnâk thei loin a tuah tawn hna.

LAMKALTU 9:22 ပူးပေါင်းရင်းမြစ်များ

GENESIS 49:24

Sihmanhsehlaw an li cu a kiak dih, an baan tha cu a cat dih. Cu a chattu cu Jakob Pathian Ṭhawng lianhngannak le Israel Lungpi Tuukhal min a si.

JOB 17:9

Hmaizah awk tlak ka si, aa timi hna nih cun, Kanmah hi kan hmaan, tiah an i ruat chin lengmang ko.

SALM 51:13

Cu tikah misual mi kha na nawlbia cu ka cawnpiak hna lai i nangmah leiah an i mer ṭhan lai.

SALM 84:7

An kal tikah an ṭhawng chin lengmang; Zion Tlang ah pathian hna Pathian cu an hmuh lai.

ISAIAH 40:29

A dermi le a bami kha thazang a pek hna.

LUKA 21:15

zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.

LAMKALTU 17:3

Messiah cu thihnak a in awk le a thawh ṭhan awk a sinak kong kha Cathiang cun a langhter i a fianter. Paul nih cun a thawh hna i, “Hi kan chimhmi hna Jesuh hi Messiah cu a si,” tiah a ti hna.

LAMKALTU 18:5

Silas le Timote kha Masidonia ram in an rak phanh tikah Paul nih a caan kha a dihlak in phungchimnak ah khan a hman i Jesuh cu Messiah kha a si ti kha Judah mi kha a chimh lengmang hna.

LAMKALTU 28:23

Cucaah ni an i tuk i cu ni ah cun Paul umnak ah khan tampi an ra. Zinglei in zan tiang Pathian Pennak kong kha a chimh hna i a fianter hna. Jesuh kong ah an lung a pem khawh nakhnga Moses Phungbia chungin le profet hna ṭialmi chungin bia kha a lak hna.

LAMKALTU 9:20

Pumhnak inn ah khan i cungcang loin a va kal i, “Jesuh cu Pathian Fapa a si,” tiah a chimh hna.

LAMKALTU 9:21

A bia a theimi paoh cu an khuaruah a har i, “Hi pa hi Jerusalem khua i Bawi Jesuh min a komi paoh a that i hika zongah hin cu bantuk ṭhiamṭhiam in annih kha tlaih i tlangbawi upa hna sinah kalpi awkah a ramipa kha a si lo maw?” an ti.

LAMKALTU 9:23

Ni tam nawn hnuah khin Judah mi cu an i pum i Saul thahnak dingah khua an khang;

LAMKALTU 9:27

Khi tikah Barnabas nih khan amah cu a bawmh i lamkaltu pawl sinah khan a kalpi. Zeitindah Saul nih lampi ah Bawipa a hmuhnak kong le Bawipa nih a sinah bia a chimnak kong tehna kha a chimh hna. Damaskas khua i Saul nih ralṭha ngaiin Jesuh min in phung a chimnak zong kha a chimh hna.

1 KORIN 1:27

Vawlei nih zeihmanh ah a rel lomi thil Pathian nih a thim thengnak cu, mifim mi kha an ningzak seh tinak caah a si i vawlei nih a der tiah a timi thil a thim thengnak cu miṭhawng mi le thil ti khomi hna kha an ningzak seh ti caah a si.

GALATI 1:18

Kum thum hnuah Peter sinin thawngpang theih duh ah Jerusalem ah ka hung kal i amah sinah cun zarh hnih ka cam.

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

1TIMOTE 1:12

Ka rianṭuannak ah thazang a ka petu kan Bawipa Khrih Jesuh cu ka lawmh. Amah rianṭuantu ah ser awk tlak i a ka ruah caah a cungah kaa lawm.