LAMKALTU 9:18 - Lai (Hakha) Common Language Bible 2006

¹⁸ Chikkhatte ah khin Saul mit cun nga phokphawher bantuk khi a tla i khua a hmu kho ṭhan. A dir i tipilnak kha a in;

Laibaibal Thiang (BSI)

¹⁸ Chikkhat teah a mit in phuhlip bantuk a tla i a mit nih khua a hmuh cawlh. Cun a tho i baptisma a in cawlh.

LAMKALTU 9:18 ပူးပေါင်းရင်းမြစ်များ

LAMKALTU 2:38

Peter nih annih cu a thawh hna i, “Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

LAMKALTU 22:13

Ka sinah khan a ra i ka pawngin a dir i, ‘Ka nau Saul, hmu ṭhan tuah,’ tiah a ka ti. Cu cangkate cun ka vun hmuh colh i amah cu ka hun zoh.

LAMKALTU 22:16

Cucaah zeicahdah sau deuh ngan a herh? Tho law tipilnak ing ko, amah min na auhnak thawngin na sualnak vialte kha i thianh ko,’ tiah a ka ti.

LAMKALTU 9:17

Cucaah Ananias cu a va kal i inn ah khan a va lut i Saul cungah cun a kut a va chuan. “Ka nau Saul, hika lei i na rat lio i na sinah a langmi Bawipa — Jesuh hrimhrim — nih khan keimah cu a ka fial. A ka fialnak cu nangmah nih khua na hmuh ṭhan i Thiang Thlarau in na khah nakhnga caah a si,” tiah a ti.

LAMKALTU 9:19

cun rawl a ei dih hnuah a thazang kha a tlung ṭhan. Saul cu Damaskas khua i a ummi zultu hna sinah khan ni tlawmpal a cam.

LAMKALTU 9:8

Saul cu vawlei cun a hung tho i a mit a hun au, sihmanhsehlaw zeihmanh a hmu kho lo. Cucaah a kut in an hruai i Damaskas khua chungah cun an luhpi.

2 KORIN 3:14

An lungthin cu a rak i khar hrimhrim ko i nihin ni tiang zong hin biakam hlun cauk an rel caan paoh ah an lungthin kha, cu puan nih cun a huh ṭhiamṭhiam ko hna. Cu puan cu mi nih Khrih he an i pehtlaih tik lawngah aa hawk.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.